Mohaboros
បន្ទាយមានជ័យ ៖ ចុងស្លាបមាន់បង្កក ជាង២តោន ត្រូវបានសមត្ថកិច្ចចម្រុះ បង្ក្រាបដកហូត និងដុតបំផ្លាញចោល កាលពីរសៀលថ្ងៃទី២៩ ខែសីហា ឆ្នាំ២០២៤ នៅចំណុចដីឡូតិ៍មួយកន្លែង ស្ថិតក្នុងភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។ លោក ហ៊ុយ ទូច ប្រធានការិយាល័យផលិតកម្ម និង បសុព្យាបាល នៃមន្ទីកសិកម្មខេត្តបន្ទាយមានជ័យ បានឲ្យសារព័ត៌មានដឹងថា ចុងស្លាបមាន់បង្កកខាងលើ មានចំនួន ២០០កេស ស្មើនឹង ២,៤០០ គីឡូក្រាម…
ខេត្តសៀមរាប÷បន្ទាប់ពីដំណើរទស្សនកិច្ច តាមប្រាសាទបុរាណនានា ជាពិសេសទស្សនាចម្លាក់ក្បាច់គុនបុរាណខ្មែរនៅតាមប្រាសាទ រយៈពេលមួយថ្ងៃកន្លងមក ថ្ងៃទី២៩ ខែសីហា ឆ្នាំ២០២៤នេះ ក្រុមកីឡាករ កីឡាការិនី ដែលដឹកនាំ អគ្គនាយកដ្ឋានកីឡា នៃក្រសួងអប់រំ យុវជន និងកីឡា បានធ្វើដំណើរមកទស្សនកិច្ច មកកាន់សារមន្ទីរព្រះនរោត្តមសីហនុ-អង្គរ។ ក្នុងដំណើរទស្សនកិច្ចខាងលើ ដើម្បីឈ្វេងយល់ពីតួនាទីរបស់សារមន្ទីរ និងទស្សនាវត្ថុសិល្បៈជាច្រើន ដែលមានរក្សាទុកនៅក្នុងសារមន្ទីរ អមដោយការពន្យល់បកស្រាយពីមន្ត្រីជំនាញក្នុងសារមន្ទីរផ្ទាល់។ កញ្ញា ពក ផល្លា កីឡាការិនីគុនល្បុតោ និងកីឡាករ លន បញ្ញា បានបង្ហាញអារម្មណ៍រំភើប បន្ទាប់បានចូលទស្សនា…
ខេត្តកំពង់ស្ពឺ៖ អ្នកវិនិយោគមកពីខេត្តជឺជាំង នៃសាធារណរដ្ឋប្រជាមានិតចិន បានទម្លាក់ទុនវិនិយោគនូវទឹកប្រាក់ជាង ៥០លានដុល្លារ ដើម្បីសាងសង់រោងចក្រផលិតឆ្នាំងចំអិនភីហ្សានៅក្នុងស្រុកសំរោងទង ខេត្តកំពង់ស្ពឺ។ នេះបើយោងតាមជំនួបរវាងអ្នកវិនិយោគចិន និងអភិបាលខេត្តកំពង់ស្ពឺ នៅព្រឹកថ្ងៃទី២៩ ខែសីហា ឆ្នាំ២០២៤នេះ។ លោក ជាម ចន្ទ័សោភ័ណ អភិបាលខេត្តកំពង់ស្ពឺ បានឱ្យដឹងថា អ្នកវិនិយោគ នៃខេត្តជឺជាំង ប្រទេសចិន លោក XIA RUZHONG បានសម្រេចទម្លាក់ទុនដ៏ច្រើននេះនៅក្នុងកំពង់ស្ពឺ ក្រោយពេលដែលលោកបានចុះសិក្សាស្វែងយល់ពីឱកាសវិនិយោគនៅក្នុងប្រទេសវៀតណាមចំនួន ៨លើក និងប្រទេសថៃចំនួន២លើក។ លោក ជាម ច័ន្ទសោភ័ណ…
ភ្នំពេញ÷ជនសង្ស័យម្នាក់ដែលជាប់ពាក់ព័ន្ធករណីគ្រឿងញៀនបានបាញ់តដៃគ្នាជាមួយកម្លាំងសមត្ថកិច្ចបណ្តាលឱ្យស្លាប់សមត្ថកិច្ចម្នាក់និងជនសង្ស័យម្នាក់ ដោយប្រតិបត្តិការនេះកើតឡើងវេលាម៉ោង៤ល្ងាចថ្ងៃទី ២៩ ខែសីហា ឆ្នាំ ២០២៤ នៅចំណុចផ្លូវលេខ៣០៤ កែងផ្លូវលេខ ១១៣ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ ។ តាមប្រភពព័ត៌មានបានឱ្យដឹងថា មុនពេលកើតហេតុជនសង្ស័យជាជនបែកថ្នាំម្នាក់បានយកកាបិតដេញចាក់ប្រជាពលរដ្ឋនៅកន្លែងកើតហេតុ។ ភ្លាមៗនោះកម្លាំងចម្រុះនគរបាលអធិការដ្ឋានខណ្ឌបឹងកេងកង បានចុះអន្តរាគមន៍ស្រាប់តែជនសង្ស័យដេញចាក់សមត្ថកិច្ចនិងដណ្តើមបានកាំភ្លើងពីសមត្ថកិច្ចក៏បានបាញ់ស្រោចទៅកងកម្លាំងសមត្ថកិច្ចម្នាក់រងរបួសធ្ងន់ធ្ងរ ។ ដោយស្ថានភាពកាន់តែតាន់តឹងសមត្ថកិច្ចបានសម្រេចបាញ់តដៃដើម្បីការពារខ្លួន បណ្តាលឱ្យជនសង្ស័យស្លាប់នៅក្នុងថ្លុកឈាមតែម្តង ។ ប្រភពបន្តថា ក្រោយកើតហេតុសមត្ថកិច្ចដែលរងរបួសក្នុងហេតុការណ៍នេះត្រូវបានស្លាប់បញ្ជូនទៅកាន់មន្ទីរពេទ្យ ចំណែកសពជនសង្ស័យត្រូវបានកម្លាំងសមត្ថកិច្ចជំនាញពិនិត្យជាក់ស្តែងនិងបន្តទៅតាមនិធីច្បាប់៕
ភ្នំពេញ៖ ថ្ងៃទី២៨ ខែសីហា ឆ្នាំ២០២៤ នៅទីស្ដីការក្រសួងបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំកិច្ចប្រជុំ ស្ដីពីការត្រួតពិនិត្យវឌ្ឍនភាពនៃការងារត្រៀមរៀបចំប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤ ដោយមានការចូល រួមពី ឯកឧត្តម លោកជំទាវ ថ្នាក់ដឹកនាំ និងមន្ត្រីមកពីនាយកដ្ឋានពាក់ព័ន្ធក្រោមឱវាទ។ មុនឈានចូលដល់កិច្ចពិភាក្សា អង្គភាពជំនាញបានរាយការណ៍ជូនអង្គប្រជុំទាំងមូល អំពីវឌ្ឍនភាពនៃការងារត្រៀមរៀបចំការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤…
ភ្នំពេញ៖ ក្រុមប្រឹក្សាជាតិប្រាក់ឈ្នួលអប្បបរមា នាព្រឹកថ្ងៃទី២៩ ខែសីហា ឆ្នាំ២០២៤ បានបើកកិច្ចប្រជុំលើកទី២ របស់ខ្លួន ដើម្បីពិភាក្សាប្រាក់ឈ្នួលអប្បបរមា ផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៥។ ជាលទ្ធផល នៃកិច្ចប្រជុំត្រីភាគីនេះ តំណាងភាគីកម្មករនិយោជិតបានលើកឡើងនូវតួលេខកំណើនចំនួន ១៤ ដុល្លារអាម៉េរិក លើតួលេខបច្ចុប្បន្ន ២០៤ដុល្លារអាម៉េរិក និងតំណាងភាគីនិយោជក បានលើកឡើងនូវតួលេខកំណើនចំនួន ១ដុល្លារអាម៉េរិក លើតួលេខបច្ចុប្បន្ន ២០៤ដុល្លារអាម៉េរិក។ អង្គប្រជុំបានឯកភាពគ្នាកំណត់កិច្ចពិភាក្សាជាលក្ខណៈត្រីភាគីបន្តទៀត នៅម៉ោង ១០:០០នាទីព្រឹក ថ្ងៃទី៦ ខែកញ្ញា…
ខេត្តកណ្ដាល÷កាលពីរសៀលថ្ងៃពុធ ទី២៨ ខែសីហា ឆ្នាំ២០២៤ ប្រជាពលរដ្ឋក្រុងតាខ្មៅ សម្ដែងការត្រេកអរ និងអរគុណ ដល់កម្លាំងសមត្ថកិច្ចអធិការនគរបាលក្រុងតាខ្មៅ ដែលបានបង្ក្រាបមេឆ្នោតកន្ទុយលេខវៀតណាម ០២នាក់ រួមមាន÷១,ឈ្មោះសរ សុគន្ធី ជាអ្នកកត់ឆ្នោតកន្ទុយលេខវៀតណាមយ៉ាង សកម្ម នៅផ្សារតាខ្មៅថ្មីនិង២,ឈ្មោះភួង សុភា ជាអ្នកកត់ឆ្នោតកន្ទុយលេខវៀតណាមយ៉ាងសកម្ម នៅផ្សារតាខ្មៅចាស់។ ស្របពេល នេះមានសេចក្តីរាយការណ៍ថា មេឆ្នោតទាំងពីរនាក់នោះកំពុងរកច្រកចេញហើយ។ លោកយី វណ្ណដា អធិការនគរបាលក្រុងតាខ្មៅ បានថ្លែង អ្នកកាសែតឲ្យដឹងថា កម្លាំងនគរបាលអធិការនគរបាលក្រុងតាខ្មៅ ពិតជាបង្ក្រាបបានករណីអ្នកកត់ឆ្នោតកន្ទុយ លេខវៀតណាម២នាក់ ពិត…
ខេត្តសៀមរាប÷នៅព្រឹកថ្ងៃព្រហស្បតិ៍ ទី២៩ ខែសីហា ឆ្នាំ២០២៤នេះរដ្ឋមន្ដ្រី ឌិត ទីណា បានអញ្ជើញជាអធិបតីនៅក្នុងពិធីប្រគល់ដើមមនចំនួន ១ ០០០ដើម របស់ក្រសួងកសិកម្ម រុក្ខាប្រមាញ់ និងនេសាទ ជូនដល់ក្រុមហ៊ុនសិប្បករអង្គរ នៅក្នុងភូមិសាស្ត្រ ស្រុកពួក ខេត្តសៀមរាប។ ក្រសួងកសិកម្ម រុក្ខាប្រមាញ់ និងនេសាទ បានជួយគាំទ្រដល់ក្រុមហ៊ុនសិប្បករអង្គរ ក្នុងការស្ដារឡើងវិញនូវសិប្បកម្មតម្បាញសូត្ររបស់ខ្មែរ ចាប់តាំងពីខែមីនា ឆ្នាំ២០២៤ រហូតក្រុមហ៊ុនអាចដំណើរការឡើងវិញទាំងស្រុង ចាប់តាំងពីការដាំដើមមន ចិញ្ចឹមដង្កូវនាង ស្រាវសូត្រ និងតម្បាញ។ បន្ទាប់ពីបានទស្សនាលំហូរនៃសិប្បកម្មតម្បាញសូត្ររបស់ក្រុមហ៊ុនលោករដ្ឋមន្ដ្រីបានសម្ដែងការសាទរចំពោះក្រុមហ៊ុម ដែលខិតខំប្រឹងប្រែងស្ដារឡើងវិញនូវវិស័យតម្បាញសូត្រ…
សម្តេចតេជោ ហ៊ុន សែន ប្រធានព្រឹទ្ធសភា៖ «គ្រាប់ពេជ្រ៥គ្រាប់ ដែលពុកម៉ែកែច្នៃដោយផ្ទាល់ដៃ។ ដុំថ្មនឹងមានតម្លៃបន្ថែម ប្រសិនយើងចេះកែច្នៃវា និងប្រើប្រាស់វាឲ្យមានប្រយោជន៍។ មាស ឬពេជ្រនឹងគ្មានតម្លៃ ឬតម្លៃតិចប្រសិនយើងមិនចេះកែច្នៃ ឬយកវាទៅទុកចោល។ ទោះមាន ឬក្រត្រូវខិតខំឲ្យកូនចៅរៀនសូត្រមានចំណេះដឹងមានសីលធម៌ គុណធម៌ សុភាពរាបសារ ចេះជួយអ្នកក្រីក្រ អ្នកទន់ខ្សោយពោលគឺឲ្យពួកគេកសាងអំពើល្អជាប់ជានិច្ច។ បទពិសោធន៍ត្រូវយកចិត្តទុកដាក់បំផុត គឺកូនអ្នកមានអំណាច អ្នកមានទ្រព្យសម្បត្តិដែលអាងលើអំណាចឪពុកម្តាយ ឬប្រាក់កាសឪពុកម្តាយធ្វើអំពើមិនគប្បីក្នុងសង្គម»៕
ខេត្តកំពង់ស្ពឺ៖ កាលពីរសៀលថ្ងៃទី២៨ ខែសីហា ឆ្នាំ២០២៤ នៅអគារសាលាខេត្តកំពង់ស្ពឺ សាលប្រជុំ រដ្ឋបាលខេត្តកំពង់ស្ពឺបានរៀបចំពិធីសំណេះសំណាលជាមួយមន្ត្រីរាជការ និងអ្នកសារព័ត៌មាននៅក្នុងខេត្តកំពង់ស្ពឺ ក្រោមអធិបតីភាព ឯកឧត្តម បណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ ក្នុងពិធីដ៏មហោរលារឹកនោះដែរឯកឧត្តម បានថ្លែងកោតសរសើរ និងវាយតម្លៃខ្ពស់ចំពោះអភិបាលរងខេត្តទទួលបន្ទុកវិស័យព័ត៌មាន លោកស្រីប្រធានមន្ទីរ ព្រមទាំងថ្នាក់ដឹកនាំមន្ត្រីរាជការ នៃមន្ទីរព័ត៌មានខេត្តកំពង់ស្ពឺ បានយកអស់កម្លាំងកាយចិត្តក្នុងការបំពេញការងារតាមតួរនាទី និងភារកិច្ច ក្នុងរយៈពេលកន្លងមកលើវិស័យព័ត៌មាន ធ្វើឲ្យវិស័យព័ត៌មានបានដើរតួយ៉ាងសំខាន់ និងយ៉ាងសកម្ម ក្នុងការប្រមូលព័ត៌មាន កាត់រូបវីដេអូ សរសេរអត្ថបទ សម្រាប់ទូរទស្សន៍រដ្ឋ និងឯកជន…