Month: January 2025

(ខេត្តរតនគីរី) ÷ការចុះរឹបអូសនេះបានធ្វើឡើងនៅវេលាម៉ោង៥និង៣០ នាទីល្ងាចថ្ងៃទី២១ ខែមករា ឆ្នាំ២០២៥ នៅត្រង់ចំណុចទីតាំងខាងក្រោយជាប់ផ្សារតាយ សេង ស្ថិតក្នុងភូមិ៤ សង្កាត់កាចាញ ក្រុងបានលុង។ លោកវរ:សេនីយ៍ទោ ស៊ូ ហុង នាយរងការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តរតនគិរី បានផ្តល់បទសម្ភាសន៍ដល់ក្រុមអ្នកសារ ព័ត៌មានថា ឈើជាច្រើនសន្លឹកនោះត្រូវបាន ប្រជាពលរដ្ឋល្អប្រទះឃើញគរគ្របតង់ទុកនៅទីតាំងខាងលើ ហើយបានរាយការណ៍មកកាន់នគរបាលសេដ្ឋកិច្ចខេត្ត។ លោកបន្តថា បន្ទាប់ពីបានព័ត៌មាននេះភ្លាម លោកឧត្តមសេនីយ៍ទោ អ៊ុង សុភាព ស្នងការនគរបាលខេត្ត និងលោកស្នងការរងទទួលផែននគរបាលប្រឆាំងបទល្មើសសេដ្ឋកិច្ច និងមានការសម្របសម្រួលពីព្រះរាជអាជ្ញារងអមសាលាដំបូងខេត្ត លោកបានដឹកនាំកម្លាំងចុះមកធ្វើការបង្ក្រាបនិងរឹបអូសឈើប្រណិតខុសច្បាប់ទាំងអស់នេះដែលជាប្រភេទឈើសុក្រំ និងឈើត្រសេក មានមុខកាត់តូចធំ…

(ខេត្តបាត់ដំបង) ÷ថ្ងៃពុធ ៩រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២២ ខែមករា ឆ្នាំ២០២៥ ពិធីប្រកាសផ្លាស់ប្តូរមុខងារ មេបញ្ជាការ កម្លាំងអន្តរាគមន៍៧០៥ របស់យោធភូមិភាគទី៥ ក្រោមអធិបតីភាព ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ នៅអគារសេនាធិការ ទីបញ្ជាការយោធភូមិភាគទី៥។ ឧត្តមសេនីយ៍ទោ សេង ធារិន ក៏បានកោតសរសើរចំពោះ នាយទាហាន នាយទាហានរង ទាំងអស់ក្នុងទីបញ្ជាការយោធភូមិភាគទី៥…

ខេត្តព្រះសីហនុ៖ ករណីគ្រោះថ្នាក់ចរាចរណ៍រវាងរថយន្តសេរីទំនើបនិងរ៉ឺម៉កដឹកសាច់ជ្រូក ធ្វើឲ្បបុរសម្នាក់ត្រូវឃ្លាត ឆ្ងាយពីក្រុមគ្រួសារសាច់ញាតិរបស់ខ្លួន ដោយគ្មានបានលាសូម្បីតែលាពាក្យចុងក្រោយ។ ភាពសោកសង្រេងនៅលើដងផ្លូវមួយនេះបង្កឡើងដោយអ្នកបើករថយន្តសេរីទំនើបបើកដោយខ្វះការប្រុងប្រយ័ត្ន ។ ប្រភពបាននិយាយថា បុរសជនជាតិចិនគឺជាអ្នកបើករថយន្តស៊េរីទំនើប១គ្រឿងពាក់ស្លាកលេខ ភ្នំពេញ 2BD.9689 តែមិនស្គាល់ឈ្មោះអ្នកបើកបរឡើយ។ រីឯជនរងគ្រោះក៏មិនស្គាល់ឈ្មោះ ឬអត្តសញ្ញាណឡើយទេ ដោយរងចាំរបាយការណ៍របស់មន្ត្រីជំនាញនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តព្រះសីហនុ ។ ប្រភពខាងលើបន្ថែមថា ហេតុការណ៍ដ៏អាក្រក់នេះ បានកើតឡើងនៅវេលាម៉ោង ៧ ព្រឹកថ្ងៃទី២២ ខែមករា ឆ្នាំ២០២៥ ស្ថិត នៅលើផ្លូវឯករាជ្យ ចំណុចស្តុបផ្សារពាណិជ្ជកម្ម ក្នុងសង្កាត់លេខ២ ក្រុងព្រះសីហនុ ខេត្តព្រះសីហនុ ៕

ខេត្តកំពង់ស្ពឺ៖ លោកអនុសេនីយ៍ទោ ហ៊ីង ធី ដែលគេស្គាល់ថាជាមន្ត្រីកងរាជអាវុធហត្ថស្រុកថ្ពងបានស្លាប់ភ្លាមៗនៅកន្លែងកើតហេតុ ខណៈដែលបំពេញការងាររួចរាល់ហើយជិះម៉ូតូត្រឡប់ទៅបន្ទាយវិញ ជាអកុសល្យជួបគ្រោះថ្នាក់បុកសត្វគោមួយក្បាលដែលឆ្លងផ្លូវ។ ហេតុការណ៍មន្ត្រីអាវុធហត្ថជិះម៉ូតូបុកសត្វគោបណ្តាលឱ្យស្លាប់នេះបានកើតឡើងកាលពីវេលាម៉ោង១១និង៥០នាទីរំលងអាធ្រាត្រ ថ្ងៃទី២០ ខែ​មករា​ ឆ្នាំ​២០២៥​ នៅលេីផ្លូវក្រាលកៅស៊ូ ១KS១ ត្រង់ចំណុច​ ភូមិ​រំចេក ឃុំ​យាអង្គ ស្រុក​ថ្ពង​ ខេត្តកំពង់ស្ពឺ​ ។ មន្ត្រីសមត្ថកិច្ចបាននិយាយឱ្យដឹងថា នៅមុនពេលកើតហេតុគេបានឃើញមាន ​ម៉ូតូ​១គ្រឿង​ម៉ាកហុងសេ១២៥ ស៊េរីឆ្នាំ​២០១២ ពណ៌​ខ្មៅ​ ពាក់ផ្លាក​លេខ​ ភ្នំពេញ 1BH-9247 ដែលបេីក​បរដោយ​ ឈ្មោះ​ ហ៊ីង…

នាព្រឹកថ្ងៃទី២១ ខែមករា ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ចាំ កាម៉ាល់ ខាន់ (Jam Kamal Khan) រដ្ឋមន្ត្រីពាណិជ្ជកម្មនៃសាធារណរដ្ឋឥស្លាមប៉ាគីស្ថាន ចូលជួបសម្ដែងការគួរសម និងពិភាក្សាការងារនៅវិមានសន្ដិភាព។ ក្នុងឱកាសនៃជំនួប, ឯកឧត្តមរដ្ឋមន្ត្រីបានសម្ដែងនូវការពេញចិត្តចំពោះភាពល្អប្រសើរនៃទំនាក់ទំនង ប៉ាគីស្ថាន និងកម្ពុជា ហើយឯកឧត្តមបានលើកឡើងថា វឌ្ឍនភាពនេះរួមចំណែកដល់ការពង្រឹងកិច្ចសហប្រតិបត្តិការលើវិស័យជាច្រើនរវាងប្រទេសទាំងពីរ។ ជាមួយគ្នានោះ ឯកឧត្តមរដ្ឋមន្ត្រីបានគោរពជម្រាបជូនសម្ដេចបវរធិបតីថា ទស្សនកិច្ចរបស់ឯកឧត្តម និងគណៈប្រតិភូនៅកម្ពុជានាពេលនេះ បានផ្ដល់នូវបទពិសោធន៍ល្អៗជាច្រើន ហើយឯកឧត្តមបានសង្កេតឃើញពីភាពប្រហាក់ប្រហែលគ្នានៃវិស័យជាច្រើនរបស់ប៉ាគីស្ថាន…

(ខេត្តកណ្តាល) ៖ផ្លូវមួយខ្សែប្រវែង៣០០ ម៉ែត្រស្ថិតនៅសង្កាត់ព្រែកតាកូវត្រូវបានដោះដូរដើម្បីសម្រួលការធ្វើ ដំណើរ ជាពិសេសការចុះបញ្ជីជាប្រព័ន្ធ។ នេះបើតាមការឲ្យដឹងពី លោកអឿន សំអ៊ន ចៅសង្កាត់ព្រែកតាកូវ ក៏ដូចជាប្រជាពលរដ្ឋនៅក្នុងមូលដ្ឋានខាងលើ។ ប្រជាពលរដ្ឋនៅសង្កាត់ព្រែកតាកូវក្រុងអរិយក្សត្របានប្រាប់អ្នកសារព័ត៌មានថា ត្រូវបានដោះដូរខុសពីផ្លូវចាស់ប្រហែល៥០ម៉ែត្រ ប៉ុន្តែផ្លូវថ្មីនេះត្រូវបានចាក់បេតុងល្អស្រួលធ្វើដំណើរជាងមុន។ លោកចៅសង្កាត់បានប្រាប់ថា នេះគឺជាការគិតគូរថ្មីមួយទៀតដើម្បីសម្រួលការធ្វើ ដំណើររបស់ប្រជាពលរដ្ឋតាមរយៈការចាក់ផ្លូវបេតុង។ ប្រភពបានឲ្យដឹងថា ផ្លូវថ្មីខាងលើមានទទឹង៦ម៉ែត្រនិងបណ្តោយជាង៣០០ម៉ែត្រស្ថិតនៅសង្កាត់ព្រែកតាកូវ ក្រុងអរិយក្សត្រ ខេត្តកណ្តាល ដែលត្រូវបានស្ថាបនាឡើងតាមសំណូមពររបស់ប្រជាពលរដ្ឋនៅក្នុងមូលដ្ឋានដោយគ្រាន់តែខុសពីផ្លូវដើមចម្ងាយប្រហែល ៥០ម៉ែត្រប៉ុណ្ណោះ។ លោក អឿន សំអ៊ន បដិសេធចំពោះពាក្យថា “លក់”ប៉ុន្តែវាគឺជាការ”ដោះដូរ” ។ លោកបញ្ជាក់ថា មិនមែនជាការ…

(ភ្នំពេញ) ៖ រដ្ឋបាលរាជធានីភ្នំពេញ បានសម្រេចបញ្ចប់ការងារ មន្ត្រីជាប់កិច្ចសន្យា ២នាក់ ពីតួនាទី ជាអ្នកបើកបរ រថយន្តសង្គ្រោះបន្ទាន់នៅមណ្ឌលសុខភាព ចាក់អង្រែ ក្រោយទារលុយ ២០០ ដុល្លារ ថ្លៃដឹកសពជនរងគ្រោះដែលស្លាប់ដោយសារជួបគ្រោះថ្នាក់ចរាចរណ៍ លើផ្លូវ៦០ម៉ែត្រ ពីក្រុមគ គ្រួសារសពជនរងគ្រោះ ។ ការបញ្ឈប់មន្ត្រីជាប់កិច្ចសន្យា ទាំងពីររូបខាងលើ បន្ទប់ពីមានប្រតិកម្មរបស់ឯកឧត្តម ឃួង ស្រេង អភិបាលណៃគណៈអភិបាលរាជធានីភ្នំពេញ សួរចំៗទៅប្រធានមន្ទីរសុខាភិបាលរាជធានីភ្នំពេញ ពាក់ព័ន្ធករណីបុគ្គលិកជាប់កិច្ចសន្យារបស់មណ្ឌលសុខភាព ចង្រែសពជនរងគ្រោះដែលស្លាប់ដោយសារជួបគ្រោះថ្នាក់ចរាចរណ៍។ ក្នុងមហាសន្និបាតបូលសរុមលទ្ធផលការងារ ប្រចាំឆ្នាំ របស់រដ្ឋបាលរាជធានីភ្នំពេញ…

ខេត្តសៀមរាប÷ក្រុមអ្នកជំនាញរបស់អាជ្ញាធរជាតិអប្សរា ដែលបានដំណើការរានហាលនៅរួតទី២ប្រាសាទអង្គរវត្ត ចាប់តាំងពីដើមខែវិច្ឆកា ឆ្នាំ២០២៤ រហូតមកដល់ពេលនេះ សម្រេចបានសមិទ្ធផលជាច្រើន។ លោក ឃាម មុនី ប្រធានគ្រប់គ្រងការដ្ឋានជួសជុលរានហាលរួតទី២ប្រាសាទអង្គរវត្ត ឱ្យដឹងថា រានហាលស្ថិតនៅរួតទី២ប្រាសាទអង្គរវត្ត តាមរយៈរូបថតនៅសម័យបារាំង រានហាលនេះ បានបាក់រលំដួលទាំងស្រុង ហើយត្រូវបានជួសជុលម្តងមកហើយ រហូតមកដល់បច្ចុប្បន្នបានរងការខូចខាតខ្លាំងជាបន្តទៀត ដូចជា សសរ កម្រាល ជើងទម្រនាគ បង្កាន់ដៃនាគ ដែលជារចនាសម្ពន្ធសំខាន់របស់រានហាលមួយចំនួនបានបាត់បង់ ប្រេះ បាក់បែក និងការជួសជុលនៅសម័យមុនអស់គុណភាព។ ការព្យាយាមជួសជុលដើម្បីរក្សាបាននូវភាពដើមនៃសំណង់ ក្រុមការងារបានស្វែងរកឃើញជើងទម្របង្កាន់ដៃមួយចំនួនដែលចល័តទៅទីកន្លែងផ្សេង និងបានយកមកដាក់នៅទីតាំងដើមវិញ។ អ្នកគ្រប់គ្រងការដ្ឋានរូបនេះ…

(វ៉ាស៊ីនតោន)៖ លោក ដូណាល់ ត្រាំ បានស្បថចូល កាន់តំណែងជាប្រធានាធិបតីទី ៤៧ របស់សហរដ្ឋអាមេរិកជាផ្លូវការហើយ នៅថ្ងៃចន្ទ ទី២០ ខែមករា ឆ្នាំ២០២៥នេះ នៅក្នុងពិធីដ៏ឱឡារិកមួយនៅវិមានរដ្ឋសភាក្នុងរដ្ឋធានីវ៉ាស៊ីនតោន ឌីស៊ី។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។ នេះគឺជាអាណត្តិទីពីររបស់លោក ត្រាំ ក្នុងការដឹកនាំប្រទេសមហាអំណាចមួយនេះ ប៉ុន្តែមិនមែនជាអាណត្តិជាប់គ្នាទេ បន្ទាប់ពីលោកបានចាញ់ការបោះឆ្នោតក្នុងឆ្នាំ ២០២០ តែបានវិលត្រឡប់មកឈ្នះវិញយ៉ាងស្វិតស្វាញក្នុងការបោះឆ្នោតឆ្នាំ ២០២៤។ ពិធីស្បថចូលកាន់តំណែងប្រព្រឹត្តទៅក្រោមការចូលរួមពីមន្ត្រីកំពូលៗ មេដឹកនាំអន្តរជាតិ អ្នកការទូត មហាសេដ្ឋីពិភពលោកព្រមទាំងប្រជាពលរដ្ឋអាមេរិករាប់ពាន់នាក់។ ការវិលត្រឡប់មកកាន់តំណែងកំពូលរបស់មហាសេដ្ឋីរូបនេះ…

ខេត្តមណ្ឌលគិរី÷ក្រុមការងារត្រួតពិនិត្យ និងតាមដានរបស់អង្គការ WWF-កម្ពុជា បានប្រទះ​ឃើញកូនក្រពើភ្នំ៣ក្បាល នៅទន្លេស្រែពក ក្នុងអំឡុងពេលនៃដំណើរ​ចុះល្បាតរយៈពេលប្រាំថ្ងៃទៅកាន់ទន្លេស្រែពក និងនៅតាមដងទន្លេនេះ ។ អង្គការ WWF-កម្ពុជាបានប្រកាសឱ្យដឹងនៅរាត្រីថ្ងៃទី២០ ខែមករា ឆ្នាំ២០២៥​លើបណ្ដាញសង្គមផ្លូវការរបស់ខ្លួនថា ជាមួយរូបភាពក្រុមការងារយើង បាន ប្រទះឃើញកូនក្រពើភ្នំចំនួនបីក្បាល ដែលនេះជាការរកឃើញដ៏កម្រនៃ​ប្រភេទសត្វ​ល្មូនដែលជិតផុតពូជ។ ក្រុមស្រាវជ្រាវ និងតាមដានជីវៈចម្រុះរបស់ យើងប៉ាន់ស្មានថា ក្រពើទាំងនេះមានអាយុពី ៥ ទៅ ៦ ខែ។ ប្រភពដដែលបន្តថា តំបន់នេះក៏ធ្លាប់ជាកន្លែងដែលក្រុមការងារត្រួតពិនិត្យ និងតាមដានរបស់អង្គការ WWF-កម្ពុជា​ធ្លាប់ប្រទះឃើញពួកវាកាល​ពីឆ្នាំមុន ហើយកិច្ចការស្រាវ នេះប្រព្រឹត្តទៅក្នុងគោលបំណងតាមដានពីរបៀបដែល​សត្វក្រពើកំពុងរស់នៅ…