Author: n6lyt

ខេត្តកំពង់ស្ពឺ÷កាលពីថ្ងៃទី២៤ខែធ្នូឆ្នាំ២០២៤ រដ្ឋបាលខេត្តកំពង់ស្ពឺ ដឹកនាំដោយលោកអភិបាលរង ទិត្យ វុទ្ធីបានដឹកនាំមន្ត្រីជំនាញ ចុះពិនិត្យសំណង់ ដ៏ធំមហិមាមួយកន្លែងស្ថិតនៅក្នុងភូមិព្រៃទទឹង ឃុំព្រះនិព្វាន ស្រុកគងពិសី ខេត្តកំពង់ស្ពឺ ដោយពិនិត្យឃើញថា សំណង់នេះមានម្ចាស់ឈ្មោះលោកស្រីហង្ស ចាន់នាង(ហង្ស ស្រីមាន) ដែលដំណើរការសាងសង់បាន 60% ហើយ មិនមានច្បាប់ទម្លាប់ត្រឹមត្រូវនោះទេ។ ដូច្នេះអាជ្ញាធរត្រូវបញ្ឈប់សកម្មភាពនៃការសាងសង់នេះទាំងស្រុង។ រដ្ឋបាលខេត្តកំពង់ស្ពឺ ក៏ដូចជាមន្ទីររៀបចំដែនដីនគររូបនីយកម្មនិងសំណង់ខេត្តកំពង់ស្ពឺ តាំងពីឆ្នាំ២០២៣មកបានធ្វើលិខិតយ៉ាងហោចណាស់៤ដងមកហើយ សុំឲ្យម្ចាស់សំណង់បញ្ឈប់សកម្មភាពនៃការសាងសង់ដោយគ្មានច្បាប់ទម្លាប់នេះ។ ប៉ុន្តែម្ចាស់សំណង់គឺលោកស្រីហង្ស ចាន់នាង មិនអើពើ,អនុវត្តតាមស្ថាប័នជំនាញនិងរដ្ឋបាលខេត្តកំពង់ស្ពឺនោះឡើយ។ ពោលគឺចាប់តាំងពីដំណើរការដំបូង រហូតដល់សំណង់ពេលនេះសម្រេចបាន 60% ហើយគឺខាងម្ចាស់សំណង់មិនព្រមអនុវត្តឬធ្វើដឹងឮចំពោះការទទូចស្នើរបស់ស្ថាប័នជំនាញនៃមន្ទីររៀបចំដែនដីនគររូបនីយកម្មនិងសំណង់ខេត្តកំពង់ស្ពឺនោះឡើយ។…

(តាកែវ)៖ មន្ត្រីយោធាម្នាក់បានធាក់ទម្លុះទ្វាផ្ទះចូលទៅវ៉ៃស្ត្រីមេម៉ាយម្នាក់ដល់ក្នុងផ្ទះយ៉ាងឃោរឃៅព្រៃផ្សៃធ្វើដូច ជាប្រទេសអត់ច្បាប់ បណ្ដាលឲ្យជនរងគ្រោះរងរបួសខៀវភ្នែករួចជនបង្កបានរត់គេចខ្លួនបាត់ស្រមោល។ ប្រភពបានឲ្យដឹងថា មន្រ្តីយោធាឈ្មោះ សុក ធា ភេទ ប្រុស អាយុ៤១ឆ្នាំ មុខរបរជា យោធា រស់នៅភូមិពោធិ៍ ឃុំព្រះបាទជាន់ជុំ ស្រុកគិរីវង់ ខេត្តតាកែវ នៅវេលាម៉ោងន២១និង៣០នាទី ថ្ងៃអាទិត្យ ទី២២ ខែ ធ្នូ ឆ្នាំ ២០២៤ បានធ្វើសកម្មភាពធាក់ទម្លុះទ្វារដែកចូលទៅក្នុងផ្ទះស្ត្រីមេម៉ាយដែលជាជនរងគ្រោះឈ្មោះ សុឹង សារ៉ាត អាយុន៤២ឆ្នាំ មុខរបរកសិករ បច្ចុប្បន្នរស់នៅភូមិពោធិ៍ខ្វិត…

នៅតាមបណ្ដោយផ្លូវលេខ២១b ក្នុងភូមិសា ស្ត្រស្រុកស្អាង ខេត្តកណ្ដាលមានព្រែកជាច្រើនកន្លែង ដែលបានបន្សល់ពីប្រវត្តិសាស្រ្តនិងកេរដូនតា។ ប៉ុន្តែបច្ចុប្បន្ននេះបណ្ដាព្រែកទាំងនោះត្រូវបានគោករាក់ ក៏ព្រោះតែចរន្តនិងចលនាប្រជាពលរដ្ឋរស់នៅច្រើន និងការបណ្ដែត បណ្ដោយរបស់អាជ្ញាធរមានសមត្ថកិច្ច។ ទិដ្ឋភាពដែលគេបានឃើញផ្ទាល់និងជាឧទាហរណ៍មួយនៅក្នុងចំណោមព្រែកជាច្រើននៅតាមបណ្ដោយផ្លូវលេខ 21bក្នុងភូមិសាស្ត្រស្រុកសាងនោះ ចំណុចស្ពានទី១១ ស្ពានព្រែកស្នាយ ភូមិព្រែកស្នាយ ឃុំព្រែកគយ ស្រុកស្អាង ខេត្តកណ្ដាល ព្រែកនេះកំពុងប្រឈមនឹងការគោករាក់ ព្រោះតែការបិទភ្នែកបណ្ដែតបណ្ដោយរបស់អាជ្ញាធរស្រុកអនុញ្ញាតឲ្យប្រជាពលរដ្ឋសង់លំនៅឋាននៅលើព្រែកនោះតែម្ដង។ កន្ទុយផ្ទះរបស់ប្រជាពលរដ្ឋគឺសង់នៅលើព្រែកជាប់ជាប់គ្នា ដូច្នេះកាកសំណល់ត្រូវបានទម្លាក់ចូលក្នុងព្រែកជាហេតុធ្វើឲ្យឆាប់គ្រប់រាក់។ រីឯទីតាំងព្រែកផ្សេងទៀតត្រូវបានគេធ្វើជាទីតាំងខ្សាច់ឬធ្វើជាការដ្ឋានខ្សាច់លក់យ៉ាងអនាធិបតេយ្យ។ ប្រការនេះបង្កឲ្យមានហានិភ័យយ៉ាងខ្លាំងសម្រាប់អនាគត នៃដង ព្រែកនៅក្នុងមូលដ្ឋានខាងលើ។ ដងព្រែកជាច្រើនត្រូវបានកាយលុបដោយប្រជាពលរដ្ឋ និងភាពព្រងើយ កន្តើយរបស់អាជ្ញាធរមានសមត្ថកិច្ច។ ព្រែកមួយចំនួនទៀតត្រូវបានគេលួចកាយលុបបន្តិចម្ដងៗ ដើម្បីបម្រើផល…

(ភ្នំពេញ) ៖ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមប្រឹក្សាកីឡាក្រសួងមហាផ្ទៃ បានអញ្ជើញជួបសំណេះសំណាលជាមួយថ្នាក់ដឹកនាំ ប្រតិភូ ប្រតិភូរង គ្រូបង្វឹក គ្រូជំនួយ និងកីឡាករ កីឡាការិនី នៃអគ្គលេខាធិការដ្ឋានក្រុមប្រឹក្សាកីឡាក្រសួមហាផ្ទៃ ដែលដណ្តើមបានមេដាយមាស ប្រាក់ និងសំរឹទ្ធ ពីការប្រកួតកីឡាជាតិ លើកទី៤ ឆ្នាំ២០២៤ ដែលប្រព្រឹត្តទៅនៅសាលប្រជុំអាគារ S នៃទីស្ដីការក្រសួងមហាផ្ទៃ កាលពីព្រឹកថ្ងៃទី២៤ ខែធ្នូ ឆ្នាំ២០២៤ ។ ជាកិច្ចចាប់ផ្ដើម…

(ភ្នំពេញ) ៖លោកWang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំប្រទេសកម្ពុជា សម្តែងនូវសេចក្តីសោមនស្សរីករាយណាស់ដែលបានជួបពិភាក្សាការងារជាមួយលោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទកម្ពុជា។​ តាមរយៈបណ្តាញសង្គម នាព្រឹកថ្ងៃទី២៥ ខែធ្នូនេះលោក ឯកអគ្គរដ្ឋទូត បានគូសរំលេចថា ចាប់តាំងពីឆ្នាំ២០១៧មក រដ្ឋាភិបាលចិនបានផ្តល់ជំនួយឥត សំណងដើម្បីជួយកម្ពុជាជីកអណ្តូងនិងស្រះទឹកជិត២០០០ និងសាងសង់ផ្លូវដែលមានប្រវែងជាង ១៥០គីឡូម៉ែត្រក្នុងតំបន់ជនបទ។ ភាគីចិននឹងបន្តជួយភាគីកម្ពុជាលើកកម្ពស់សុខុមាលភាពរបស់ប្រជាជននៅតាមតំបន់ជនបទ។ ការលើកឡើងរបស់លោកឯកអគ្គរដ្ឋទូត បានធ្វើឡើងក្រោយចូលជួប លោកឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ក្នុងជំនួបសម្លេងការគួរសម និងពិភាក្សាការងារនាពេលថ្មីៗនេះ។ គួររំលឹកថា ក្នុងជំនួបនេះលោករដ្ឋមន្ត្រីក្រសួងអភិវឌ្ឍន៍ជនបទ បានលើកឡើងអំពីចក្ខុវិស័យនិងទិសដៅរបស់…

ប្រជាពលរដ្ឋបានឲ្យដឹងថា បារាសការពារផ្លូវ១កន្លែងស្ថិតនៅភូមិប្រស្រែលើ សង្កាត់វិហាលួង ក្រុងសួង ខេត្តត្បូងឃ្មុំ ត្រូវបានអាជ្ញាធរពាក់ព័ន្ធ ដែលរួមមានអាជ្ញាធរក្រុង និងមន្ទីអភិវឌ្ឍន៍ជនបទ បានសម្រេចដកពីកន្លែងចាស់ នៅដើមផ្លូវថយទៅដាក់កន្លែងថ្មីចម្ងាយប្រមាណ ៣០០ ម៉ែត្រ ដើម្បីផ្គាប់ចិត្តថៅកែរោងចក្រកែឆ្នៃដំឡូងមីមួយកន្លែង ពោលគឺងាយស្រួលឳ្យរថយន្តធំៗដឹកដំឡូងចេញចូលរោងចក្រមួយនេះមានភាពងាយស្រួលបើទោះ បីប្រជាជនភាគច្រើននៅក្នុងសហគមន៍នៃភូមិ ប្រស្រែលើ មិនគាំទ្រក៏ដោយ ។ លោក សរ គួន ប្រធានភូមិប្រស្រែលើ មានប្រសាសន៍ឳ្យដឹងថា ការដកបារាសការពារផ្លូវដាក់ថយចូលមកក្នុងបែបនេះគឺដើម្បីឳ្យរថយន្តធំៗដឹកដំឡូងចេញ-ចូលបានស្រួល ដែលប្រការនេះគឺប្រជាជនភាគច្រើនមិនគាំទ្រនោះទេ ។ លោកមេភូមិថា ការដកបារាសការពារផ្លូវនេះគឺខាងអាជ្ញាធរសង្កាត់,ក្រុង,មន្ទីរអភិវឌ្ឍន៍ជនបទខេត្តត្បូងឃ្មុំ បានពិភាក្សាគ្នាសម្រេចដក ដោយលោកឋានៈប្រធានភូមិមិនមានសិទ្ធិជំទាស់នោះទេ…

តាមសេចក្ដីរាយការណ៍បានឱ្យដឹងថា នៅឆ្នាំ ២០២៤ មន្ទីរ​អភិវឌ្ឍន៍ជនបទខេត្តតាកែវដឹកនាំលោកប្រធាន​មន្ទីរ​ លីវ សំណាង ទទួលបានគម្រោងថែទាំផ្លូវលំខួបនិងថែទាំផ្លូវប្រចាំជាច្រើនគម្រោង។ គម្រោងនិមួយៗដែលមន្ទីរ​អភិវឌ្ឍន៍ជនបទខេត្តតាកែវ ទទួលបានពីថ្នាក់ជាតិតាមការចចារថ្លៃនោះ គឺ មានតម្លៃរាប់រយលានរៀល រហូតពាន់លានរៀលទៀតផង។ ប្រធានមន្ទីរចំណេញកប់ក្តោងពីការ ដែលគ្រឿងចក្ររបស់លោកជាអ្នកថែទាំផ្លូវនោះមួយតង់ទៀតផង។ ប្រភពបង្ហើបថា ការចំណាយថវិកាលើការងារអនុវត្តន៍គម្រោងដែលទទួលបានពីថ្នាក់ជាតិលោក លីវ សំណាងតែងតែចាត់ចែងដោយខ្លួនឯង និងមិនសូវបង្ហាញចំនួនទឹកប្រាក់និងតម្លៃថវិកាចំណាយក្នុងការអនុវត្តន៍គម្រោង ខាត ឬចំណេញឱមន្ត្រីនៅក្នុងមន្ទីរដឹងនោះទេ។ ដូច្នេះការចំណាយ,ចំណេញតិច ឬច្រើនពីការងារទទួលការជុសជុលផ្លូវលំទាំងអស់ក្នុងខេត្តតាកែវ មានតែលោកប្រធានមន្ទីរនិងមន្ត្រីស្និទ្ធ២-៣រូបដែលដឹងរឿងនេះ។មន្ត្រីភាគច្រើននៅក្នុងមន្ទីរ មិនដឹងអំពីការចំណាយឬចំណូលសម្រាប់ការថែទាំផ្លូវលំ នៅក្នុងខេត្តតាកែវនោះឡើយ ហើយជាងនេះទៅទៀត គឺគ្រឿងចក្ររបស់លោកប្រធានមន្ទីរផ្ទាល់ដែលជាអ្នកថែទាំផ្លូវនោះ។ គួរបញ្ជាក់ថា ថ្មីៗនេះលោក…

(ភ្នំពេញ) ៖យើងត្រូវចាំថា «មានសន្តិភាពគឺមានអ្វីៗទាំងអស់»សន្តិភាពគឺជាទ្រព្យសម្បត្តិដែលមិនអាចកាត់ថ្លៃបាន។យើងមិនត្រូវឲ្យ៥០០ ឆ្នាំមុនវិលត្រឡប់មកវិញនោះទេ។ នេះជាការលើកឡើងរបស់លោក កើត ឆែអភិបាលរងតំណាងលោកឃួង ស្រេងអភិបាលនៃគណៈអភិបាលរាជធានីភ្នំពេញថ្លែងបែបនេះ កាលពីរសៀលថ្ងៃទី២៤ធ្នូ២០២៤ក្នុងឱកាសដែលឯកឧត្ដមអញ្ជើញធ្វើសន្តិសីទកាសែតស្ដីពីការរៀបចំការប្រកួតកីឡាបាល់ទាត់ មិត្តភាព អបអរសាទរ «ទិវាសន្តិភាពនៅកម្ពុជា» ដែលគ្រោងនឹងធ្វើឡើងនៅពហុកីឡាដ្ឋានមរតកតេជោ នារសៀលថ្ងៃទី២៩ ខែធ្នូ ឆ្នាំ២០២៤ខាងមុខនេះ។ លោក កើត ឆែបានមានប្រសាសន៍ថា ព្រឹត្តិការណ៍បាល់ទាត់ មិត្តភាព អបអរសាទរ «ទិវាសន្តិភាពនៅកម្ពុជា» គ្រោងនឹងមានមហាជនចូលទស្សនាជាង៥ម៉ឺននាក់ នៅពហុកីឡាដ្ឋានមរតកតេជោ។ព្រឹត្តិការណ៍នេះ អាចធ្វើទៅបានដោយសារប្រទេសជាតិរបស់យើងមានសន្តិភាព។ បើគ្មានសន្តិភាពគឺមិនមានអ្វីទាំងអស់។កីឡារស់នៅក្នុងសន្តិភាព។បើប្រទេសជាតិមួយធ្លាក់ចូលទៅក្នុងសង្គ្រាមគឺមិនអាចធ្វើអ្វីបានទេ កីឡាករទាំងអស់នឹងត្រូវទៅធ្វើសង្គ្រាមមិនខាន។ យើងត្រូវចងចាំថា មានសន្តិភាពគឺមានអ្វីទាំងអស់…

(ភ្នំពេញ)៖ ក្រសួងការងារ និងបណ្ដុះបណ្ដាលវិជ្ជាជីវៈ និងក្រុមហ៊ុន HONDA CARS HAKATA CO., LTD បានចុះហត្ថលេខាលើអនុស្សរណៈនៃការយោគយល់គ្នា ស្ដីពី “គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត” ក្រោមអធិបតីភាព ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងលោក KOSHIRO MUTO នាយកប្រតិបត្តិនៃក្រុមហ៊ុន HONDA CARS HAKATA CO., LTD។ អនុស្សរណៈនៃការយោគយល់គ្នា ដែលត្រូវបានចុះហត្ថលេខារួមគ្នា…

ខេត្តពោធិ៍សាត់ ៖ នៅឯចំណុចមាត់ទឹកបឹងទន្លេសាបក្នុងស្រុកក្រគរ ខណៈនេះវេលាម៉ោងជិត៨យប់ថ្ងៃ អង្គារ ៩រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៤ ខែធ្នូ ឆ្នាំ២០២៤ មានសេចក្តីរាយការណ៍ថា លៀសល្អិតៗដែលក្រសួងកសិកម្ម រុក្ខា ប្រមាញ់ និងនេសាទ មិនឲ្យធ្វើនេសាទ ឬនាំទៅក្រៅប្រទេស ពេល នេះឈ្មួញកំពុងធ្វើសកម្មភាពដើម្បីត្រៀមដឹកទៅប្រទេសវៀតណាម៣រថយន្តធំៗ ដែលទម្ងន់ប្រមាណជិត១០០តោន ។ បើតាមសេចក្រីរាយការណ៍ឲ្យដឹងទៀតថា ករណីនាំ ចេញលៀសខុសច្បាប់ខាងលើ ធ្វើឡើងនៅចំណុចមាត់ទឹកបឹងទន្លេសាប ស្ថិតនៅភូមិកំពង់ឃ្នៀស…