(ខេត្តបាត់ដំបង ) ៖ នៅវេលាម៉ោង១១និង១០ នាទី យប់ថ្ងៃទី៣០ ខែមករា ឆ្នាំ២០២៥មានករណីអគ្គិភ័យឆេះផ្ទះលក់ចាប់ហួយ០១ខ្នង នៅចំណុចក្រុម០១ ភូមិអង់ជើង ឃុំតាម៉ឺន ស្រុកថ្មគោល ខេត្តបាត់ដំបង ។
ផ្ទះតូបលក់ចាប់ហួយដែលត្រូវ អគ្គិភ័យឆាប ឆេះខាងលើមានទំហំ ៥ម៉ែត្រX១២ម៉ែត្រ សង់ផ្ទាល់ដី ធ្វើអំពីឈើ ប្រក់ស័ង្កសី ជញ្ជាំងស័ង្កសី ឆេះអស់ទាំងស្រុងបណ្តាលឲ្យស្លាប់មនុស្ស: ចំនួន០២នាក់។
ទី១-ឈ្មោះ សុីថា សាវឌី ភេទស្រី អាយុ ១២ឆ្នាំ។
ទី២-ឈ្មោះ សុីថា សុវណ្ណដា ភេទប្រុស អាយុ០៥ឆ្នាំ។
ម្ចាស់ផ្ទះមានឈ្មោះ ហ៊ុន សុគន្ធី ភេទស្រី អាយុ ៤០ឆ្នាំ រស់នៅកន្លែងកើតហេតុខាងលើ ។
តាមការបំភ្លឺរបស់ម្តាយបង្កើតថា នៅវេលាម៉ោង ២០និង ៣០នាទី គាត់បានចាក់សោរខាងក្រៅ ហើយចេញទៅដកស្មៅបន្លែនៅខាងក្រោយផ្ទះចំងាយប្រហែល ១៦០ ម៉ែត្រ លុះដល់ម៉ោង ប្រហែល ២៣ជាង ស្រាប់តែឮសូរផ្ទុះប៊ុម(ផូង)ក៏ងាកមកផ្ទះឃើញភ្លើងឆេះអស់បាត់ទៅហើយ ដែលនៅក្នុងផ្ទះមានសាំង២ប៊ីដុង,ម៉ូតូ២គ្រឿងសាំងពេញ និងដបហ្គាសជាច្រើនដបទៀតផងដែរ ។
សមត្ថកិច្ចបានបញ្ជាក់ថា÷ នៅក្នុងហេតុការណ៍គ្រោះអគ្គិភ័យខាងលើនេះដែរ ភ្លាមៗនោះសមត្ថកិច្ចមិនបានចេញរថយន្តពន្លត់អគ្គិភ័យទេ ដោយសារពេលទទួលព័ត៌មានគឺឆេះអស់បាតទៅហើយ៕
