ក្រុមក្មេងទំនើងប្រេីហិង្សាគប់ដុំថ្ម,ដាវ កាំបិត ដេញកាប់គ្នាផ្អេីលអ្នកស្រុក និងវាយកម្ទេចម៉ូតូ ត្រូវបានឃាត់ខ្លួន៨នាក់ មួយចំនួនទៀតកំពុងរត់គេចខ្លួន
(ខេត្តកំពង់ស្ពឺ) ៖ ដោយអនុវត្តតាមបទបញ្ជាលោកស្នងការនគរបាលខេត្ដកំពង់ស្ពឺ វិធានការបង្រ្កាបក្រុមក្មេងទំនើង ក្នុងខេត្តកំពង់ស្ពឺ មិនដកដៃនោះកាលពីយប់ថ្ងៃ ទី៧ ខែមករា ឆ្នាំ២០២៥ នៅចំណុចផ្លូវលំស្ថិតនៅភូមិសាលាគ្រួស ឃុំព្រះនិព្វាន ស្រុកគងពិសី បង្កឡេីងដោយក្រុមក្មេងទំនើងចំនួន០២ក្រុម បានវាយបេីកឆាក ប្រយុទ្ធគ្នាទៅវិញទៅមក រួចបានរត់គេច ខ្លួនបាត់អស់ បន្សល់ទុកកាំបិតបុ័ងតោ ០១ កាំបិតកែច្នៃ០១ ដុំថ្មជាច្រើនដុំ និងម៉ូតូចំនួន ២គ្រឿង÷ - ម៉ូតូម៉ាកហុងដាC125 ស៊េរីឆ្នាំ២០២៥ ពណ៌ខ្មៅ ពាក់ស្លាកលេខភ្នំពេញ1LB -1134…
រថភ្លើងបុកកិនបុរសម្នាក់មានជំងឺសរសៃប្រសាទបណ្តាលឲ្យស្លាប់ នៅស្រុកសង្កែ
ខេត្តបាត់ដំបង ៖ មានករណីគ្រោះថ្នាក់ចរាចរណ៍មួយ ដោយរថភ្លើងបើកបុកកិនមនុស្សម្នាក់ស្លាប់ នៅថ្ងៃទី៧ ខែមករា ឆ្នាំ២០២៥ វេលាម៉ោង០៧និង៣០នាទីយប់ នៅចំណុចវាលស្រែលូ៦ ភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង ។ លោកវរសេនីយ៍ទោ យុត តុងហូ អធិការនគរបាលស្រុកសង្កែ បានរាយការណ៍ឲ្យដឹងថា គ្រោះថ្នាក់ចរាចរណ៍នេះ ជនរងគ្រោះឈ្មោះ ផ្លុង សាវឿន ភេទប្រុស អាយុ២៨ឆ្នាំ រស់នៅភូមិអូរស្រឡៅ ឃុំ អូរដំបង១ ស្រុកសង្កែ ខេត្ត…
ដំណឹងរីករាយសាទរឆ្នាំថ្មី ៖ វីដេអូពីម៉ាស៊ីនថតស្វ័យ ប្រវត្តិថតបានដំរីអាស៊ី១ហ្វូងនៅតំបន់ជួរភ្នំក្រវាញកណ្តាល ក្នុងនោះមានកូនដំរីផង
ខេត្តពោធិ៍សាត់÷វីដេអូពីម៉ាស៊ីនថតស្វ័យប្រវត្តិបង្ហាញវត្តមាន ដំរីអាស៊ីមួយហ្វូង ដើរឆ្លងកាត់តំបន់ការពារនៅតំបន់ជួរភ្នំក្រវាញកណ្តាលនៃប្រទេសកម្ពុជា។ បីក្បាលក្នុងចំណោមដំរីមួយហ្វូងនេះ គឺជាកូនដំរី ដែលមើលទៅហាក់មានសុខភាពល្អ។ វត្តមាននៃកូនដំរី បង្ហាញពីក្តីសង្ឃឹមនៃការរស់រាន និងបន្តពូជនៃប្រភេទសត្វដ៏កម្រនេះ។ សត្វដំរីអាស៊ី គឺជាប្រភេទសត្វរងគ្រោះថ្នាក់ជិតផុតពូជ ក្នុងបញ្ជីក្រហមរបស់អង្គការIUCNដែលរងការគំរាមកំហែងពីអន្ទាក់ និងការបាត់បង់ទីជម្រកទូទាំងពិភពលោក។ យោងតាមក្រសួងបរិស្ថាន មានដំរីអាស៊ីចំនួនប្រមាណពី ៤០០ ទៅ៦០០ក្បាល នៅកម្ពុជា ហើយភាគច្រើនពួកវារស់នៅក្នុងតំបន់ជួរភ្នំក្រវាញ និងតំបន់ខ្ពង់រាបភាគខាងកើត។ នៅក្នុងធម្មជាតិ សត្វដំរី ដើរតួនាទីជាវិស្វករនៃប្រព័ន្ធអេកូឡូស៊ី ដោយមានមាឌធំសម្បើម ពួកវាត្រួស ត្រាយផ្លូវក្នុងព្រៃសម្រាប់សត្វតូចៗដទៃទៀត។ សត្វដំរីក៏ដើរតួនាទីយ៉ាងសំខាន់ផង ក្នុងការបែកខ្ញែកគ្រាប់ពូជនៅក្នុងព្រៃ និងពួកវាត្រូវការជម្រកធម្មជាតិដែលមានទំហំធំសមរម្យដើម្បីចល័ត ស្វែងរកចំណី…
អ្នកនាំពាក្យក្រសួងសាធារណៈការថា ចំនួនគ្រោះថ្នាក់ចរាចរណ៍ផ្លូវគោកប្រចាំឆ្នាំ២០២៤ ធ្លាក់ចុះ១៤% បើធៀបនឹងឆ្នាំ២០២៣
(ភ្នំពេញ ) ៖អ្នកនាំពាក្យក្រសួងសាធារណការ និងដឹកជញ្ជូន លោក ផន រឹម បានគូសបញ្ជាក់ថា ពេញមួយឆ្នាំ២០២៤ ជាមធ្យមក្នុងមួយថ្ងៃៗ មានជនរងគ្រោះដោយគ្រោះថ្នាក់ចរាចរណ៍ចំនួន ៤នាក់បានស្លាប់ ខណៈដែលមូលហេតុបណ្តាលឱ្យកើតមានគ្រោះថ្នាក់ចរាចរណ៍ផ្លូវគោកប្រចាំឆ្នាំ២០២៤ច្រើនជាងគេ គឺកត្តាល្បឿន និងការមិនគោរពសិទ្ធិ ។ តាមរបាយការណ៍នាព្រឹកថ្ងៃទី៨ ខែមករា ឆ្នាំ ២០២៥ នេះ អ្នកនាំពាក្យក្រសួងខាងលើ បានបញ្ជាក់ថា គ្រោះថ្នាក់ចរាចរណ៍ផ្លូវគោក ប្រចាំឆ្នាំ២០២៤(គិតពីថ្ងៃទី០១ ខែមករា ដល់ថ្ងៃទី៣១ ខែធ្នូ ឆ្នាំ២០២៤)៖ –…
ព្រែកជាច្រើនកន្លែងក្នុងស្រុកស្អាង ខេត្តកណ្ដាល រងការគោករាក់ ដោយសារការរំលោភបំពាន គ្រាដែលអាជ្ញាធរស្ងាត់ស្ងៀម
(ខេត្តកណ្តាល) ៖ប្រជាពលរដ្ឋនៅភូមិខ្ពបក្រោម ឃុំខ្ពប ស្រុកស្អាង ខេត្តកណ្ដាលមិនដឹងថា តើអាជ្ញាធរឃុំ-ស្រុកបានដឹងអំពីមហន្តរាយដែលកំពុងកើតមាន លើផ្លូវខ្នងព្រែកតាជន់ ដែរឬយ៉ាងណាទេ បានជាមកដល់ពេលនេះអាជ្ញាធរធ្វើហាក់ដូចជាមិនដឹងមិនឮ ចំពោះបញ្ហានៃការប្រឈមបាត់បង់ខ្នងព្រែក១នេះ។ អ្វីដែលប្រជាពលរដ្ឋប្រាកដ ប្រជានោះគឺអាជ្ញាធរឃុំខ្ពប ជាពិសេសចៅហ្វាយស្រុកស្អាងស្ងាត់ឈឹងតែម្ដង។ រឿងរ៉ាវស្រដៀងគ្នានេះ កាលពីប៉ុន្មានសប្តាហ៍មុនគេហទំព័រជាច្រើនបានផ្សព្វផ្សាយ អំពីករណីហានិភ័យនៃការបាត់បង់ព្រែកជាច្រើន តាមដងផ្លូវជាតិលេខ21b ស្ថិតក្នុងស្រុកស្អាងខេត្តកណ្ដាល។ នោះគឺជាវិញ្ញាសាមួយដែលដាស់តឿនឲ្យអាជ្ញាធរឃុំ-ស្រុក ប្រើស្មារតីភ្ញាក់រលឹកចាត់វិធានការទប់ស្កាត់ការបាត់បង់ព្រែកជាច្រើននៅតាមទន្លេបាសាក់ក្នុងស្រុកស្អាងនេះ។ ក៏ប៉ុន្តែគេសង្កេតឃើញថា អាជ្ញាធរមូលដ្ឋានដែនដីក្នុងស្រុកស្អាងហាក់ដូចជាត្រជាក់ល្ហឹម មិនឃើញមានវិធានការយ៉ាង ណាចំពោះបញ្ហានេះទេ។ ជាក់ស្ដែងព្រែកតាជន់ ស្ថិតនៅភូមិខ្ពបចំហៀង ចំណុចស្ពានព្រែកតាជន់ ស្ថិតនៅភូមិខ្ពបក្រោម ឃុំខ្ពប ស្រុក…
រយៈពេល៥ថ្ងៃនគរបាលរាជធានីភ្នំពេញបង្ក្រាបក្មេងទំនើងបាន៣០នាក់ស្មើនឹង១៣ករណី
ភ្នំពេញ÷ដោយបានការអនុញ្ញាតពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នារសៀលថ្ងៃទី០៧ខែមករាឆ្នាំ២០២៥ លោកឧត្តមសេនីយ៍ត្រី ប៊ុន សត្យា ស្នងការរងការងារផែនព្រហ្មទណ្ឌ និងលោកវរសេនីយ៍ឯក សំ វិច្ឆិកា អ្នក នាំពាក្យនៃស្នងការដ្ឋាននគរបាលរាជធានីភ្នំពេញបានធ្វើសន្និសីទសារព័ត៌មានបង្ហាញមុខក្រុមក្មេងទំនើងដែលត្រូវបានបង្រ្កាបក្នុងរយៈពេល៥ថ្ងៃចុងក្រោយពីថ្ងៃទី០៣រហូតដល់ថ្ងៃទី៧ ខែមករា ឆ្នាំ២០២៥ ការិយាល័យព្រហ្មទណ្ឌកម្រិតស្រាល សហការជាមួយអធិការដ្ឋាននគរបាលខណ្ឌ បានបង្ក្រាបជនសង្ស័យចំនួន៣០នាក់ ដែលបានប្រព្រឹត្តបទល្មើសចំនួន១៣ករណីផ្សេងគ្នា។ ប្រតិបត្តិការបង្ក្រាបក្រុមជនសង្ស័យទាំង៣០នាក់នេះរួមមាន: *ទី១៖ ខណ្ឌដង្កោ ចំនួន៤ករណី ក្នុងនោះមាន÷ប្លន់២ ករណី ឃាត់ខ្លួន២នាក់ (ប្រភេទក្មេងទំនើង និងហិង្សា…
ស្លាប់៣នាក់ក្នុងករណីគោះថ្នាក់ចរាចរណ៍រវាងរថយន្តលោកអភិបាលរងខេត្តម្នាក់ និងគ្រួសារជិះម៉ូតូ១គ្រឿង
ខេត្តពោធិ៍សាត់ ៖ យ៉ាងហោចណាស់ក៏មានមនុស្ស ៣នាក់មួយគ្រួសារ បានស្លាប់បាត់បង់ជីវិតមួយប៉ព្រិចភ្នែក និងម្នាក់ទៀតបានរបួសក្នុងករណីគ្រោះថ្នាក់ចរាចរណ៍រវាងរថយន្តលោកអភិបាលរងខេត្តពោធិ៍សាត់ម្នាក់ នឹងគ្រួសារជិះម៉ូតូ១គ្រឿងមានសមាជិក៤នាក់ ។ ហេតុការណ៍ដ៏មហាសែនរន្ធត់ខាងលើបានកើតឡើងនៅលើកំណាត់ផ្លូវលំក្រាលក្រួសក្រហម១ខ្សែ ត្រង់ចំណុចផ្លូវកោងជើងភ្នំក្បាលសៀម ផ្លូវចូលរណ្តៅដីកាយក្រួសក្រហម ស្ថិតនៅភូមិថ្មី ឃុំត្នោតជុំ ស្រុកក្រគរ នារសៀល ថ្ងៃអង្គារ ៩កើត ខែបុស្ស ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៧ ខែមករា ឆ្នាំ២០២៥ នេះ ។ ប្រភពរាយការណ៍ថា មុនដំបូងគេឃើញរថយន្ត១គ្រឿងម៉ាកវីហ្វោ ពណ៌ស្ករធ្វើដំណើរក្នុងទិសដៅពីត្បូងទៅជើង…
គ្រោះរញ្ជួយដីបានវាយប្រហារតំបន់ទីបេធ្វើឲ្យមនុស្សស្លាប់ជិត១០០នាក់
(ចិន) ÷កាលពីថ្ងៃអង្គារមានករណីគ្រោះរញ្ជួយដីកម្រិត ៦.៨រ៉ិចទ័រដ៏ខ្លាំងបានវាយប្រហារ តំបន់ស្វយ័តទីបេ Xizang ភាគនិរតីនៃប្រទេសចិនបណ្តាលឲ្យមនុស្សស្លាប់៩៥នាក់ គិតត្រឹមល្ងាចថ្ងៃអង្គារនេះ (តួរលេខស្លាប់អាចកើនឡើង) និង១៣០នាក់ផ្សេងទៀតរងរបួស។ នេះបើតាមការចេញផ្សាយដោយ ទីភ្នាក់ងារព័ត៌មាន AFP។ មជ្ឈមណ្ឌលតាមដានគ្រោះរញ្ជួយដីនៃប្រទេសចិន CENC បានរាយការណ៍ថា គ្រោះរញ្ជួយដីមួយមាន កម្រិត ៦.៨រ៉ិចទ័រ បានអង្រួនស្រុក Dingri នៃតំបន់ Tibet កៀកនឹងព្រំប្រទល់ ជាមួយប្រទេសនេប៉ាល់ កាលពីវេលាម៉ោង៩៖០៥នាទីព្រឹក (ម៉ោងនៅក្នុងតំបន់) និងមានជម្រៅ១០គីឡូម៉ែត្រ ខណៈទីភ្នាក់ងារអាមេរិក USGA បានរាយការណ៍ថា…
កាស៊ីណូអនឡាញបោះទីតាំងនៅសង្កាត់ចោមចៅទីបី ខណ្ឌពោធិ៍សែនជ័យ យីហោអក្សរចិនបន្លំភ្នែកខ្មែរកំពុងបើកដំណើរការយ៉ាងគគ្រឹកគគ្រេង
កាស៊ីណូអនឡាញនៅតែបន្តមានវត្តមាន នៅក្នុងសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ដែលទីតាំង១នេះ បានប្រើប្រាស់អក្សរចិន ជាស្លាកយីហោទាំងស្រុងដើម្បីបន្លំភ្នែកពលរដ្ឋខ្មែរ ក៏ដូចជាសមត្ថកិច្ចខ្មែរដែលមិនចេះអក្សរចិន។ គេឃើញជនជាតិចិនក៏ដូច ជាជនជាតិផ្សេងទៀត ចូលលេងយ៉ាងគគ្រឹកគគ្រេង ក្រោមការសម្របសម្រួលពីជនជាតិខ្មែរដែលកាងនៅទីនោះ។ យ៉ាងណាក៏ដោយគេមិនដឹងថា តើនរណាជាអ្នកកាងវង់ល្បែងអនឡាញរបស់ជនជាតិចិននោះទេ។ យោងតាមប្រភពព័ត៌មានច្បាស់ការណ៍បានឱ្យដឹងថាទីតាំងល្បែងស៊ីសងខុសច្បាប់ខាងលើនេះ ជារបស់ជន ជាតិចិនជាថៅកែក៏ប៉ុន្តែអ្នកចូលលេងមិនមែនសុទ្ធតែជាជនជាតិចិននោះទេ។ អ្នកញៀនល្បែងស៊ីសងអនឡាញគ្រប់ជាតិសាសន៍ អាចចូលលេងល្បែងនៅក្នុងទីតាំងខាងលើនេះបានដោយសេរី។ រីឯអាជ្ញាធរក៏ហាក់ដូចជាមិនបានចាប់អារម្មណ៍ចំពោះទីតាំងនេះ ប៉ុន្មានដែរព្រោះគេឃើញតែអក្សរចិន។ ប្រជាពលរដ្ឋនិយាយថា នេះគឺជាល្បិចរបស់ជនជាតិចិនដើម្បីបន្លំភ្នែកសមត្ថកិច្ចខ្មែរ ដែលមើលទៅហាក់ដូចជាហាងផឹកស៊ីឬក៏កន្លែងធ្វើការរបស់ជនជាតិចិន។ក៏ប៉ុន្តែការពិតវាមិនមែនជាកន្លែងធ្វើការ,ក្រុមហ៊ុនឬក៏កន្លែងផឹកស៊ីនោះទេ។ ការពិតវាគឺជាវង់ល្បែងស៊ីសងអនឡាញ យ៉ាងច្បាស់ក្រឡែត។ ប្រភពប្រាប់ថា ត្បិតតែវាឃើញមានតែអក្សរចិន ប៉ុន្តែអ្នកចូលលេងមិនសុទ្ធតែជាជន ជាតិចិនទាំងស្រុងនោះទេ។…