(ភ្នំពេញ) ៖ ក្រោយពីទទួលបានជោគជ័យ
ចំពោ ដោយមេដាយមាស១ និងសំរឹទ្ធពីរគ្រឿងក្នុងព្រឹត្តិការណ៍ប្រកួតទូកនាគអន្តរជាតិនៅប្រទេសរុស្ស៊ី គឺ (International Dragon Boat Festival) ។ ក្រុមប្រតិភូកីឡាទូកកានូ និងរ៉ូអ៊ីងកម្ពុជា បានធ្វើមាតុភូមិនិវត្តវិញមានហើយ ដោយមានការទទួលស្វាគមន៍យ៉ាងកកក្តៅកាលពីយប់ថ្ងៃទី២ខែកក្កដាឆ្នាំ២០២៤នៅអាកាសយានដ្ឋានអន្តរជាតិភ្នំពេញ ពីសំណាក់ថ្នាក់ដឹកនាំសហព័ន្ធកីឡាទូកកានូនិអ៊ីងកម្ពុជា ដឹកនាំដោយ លោកឧត្តមសេនីយ៍ឯក យិត ភីរ: អនុប្រធានសហព័ន្ធ ។
លោក យិត ភីរ:បានគួសបញ្ជាក់ថា «ភាពជោគជ័យនាពេលនេះបានមកពីការខិតខំប្រឹងប្រែងរបស់ក្រុមកីឡាករទូកកានូ និងរ៉ូអ៊ីងកម្ពុជា។ យើងទៅប្រកួតនៅប្រទេសរុស្ស៊ីក្នុងព្រឹត្តិការណ៍ខាងលើវាជាការតេស្ដសមត្ថភាពមួយដ៏មានសារសំខាន់ ដើម្បីឲ្យដឹងថាតើកម្រិតសមត្ថភាពរបស់យើងនៅកម្រិតណា ដើម្បីងាយស្រួលឲ្យយើងពង្រឹងសមត្ថភាពបន្ថែមទៀត ពិសេសនោះគឺស្វែងរកចន្លោះប្រហោងដើម្បីបំពេញក្នុងគោលដៅធំគឺដើម្បីធ្វើយ៉ាងណាប្រជែងមេដាយជូនជាតិឲ្យបានក្នុងការប្រកួតស៊ីហ្គេមនាឆ្នាំក្រោយដែលធ្វើនៅថៃនេះ»។
លោកអនុប្រធានបានបន្ថែមថា ភាពជោគជ័យនាពេលនេះដែរក៏បានមកពីការយកចិត្តទុកដាក់ពីថ្នាក់ដឹកនាំពិសេសនោះគឺឯកឧត្ដមអភិសន្តិបណ្ឌិត ស សុសុខ ប្រធានសហព័ន្ធលោកបានខិតខំប្រឹងប្រែងណាស់ក្នុងការជំរុញឲ្យកីឡាករទូកកានូ និងរ៉ូអ៊ីង កម្ពុជាមានសកម្មភាពប្រកួតឲ្យបានច្រើន ពោលគឺស្ទើរតែគ្រប់ព្រឹត្តិការណ៍អន្តរជាតិ ដើម្បីធ្វើយ៉ាងណាបង្កើតកម្រិតបច្ចេកទេស និងបទពិសោធប្រប្រកឈានទៅដល់កម្រិតខ្ពស់មួយដែលសហព័ន្ធបានកំណត់។
គួររម្លឹកថាការប្រកួតកីឡាកីឡាទូកនាគអន្តរជាតិ (International Dragon Boat Festival) ប្រព្រឹត្តិទៅចាប់ពីថ្ងៃទី២៧ ខែមិថុនា ដល់ថ្ងៃទី០២ ខែកក្កដា ឆ្នាំ២០២៤ ដោយមានប្រទេសចូលរួមសរុបចំនួន០៩ មាន ម្ចាស់ផ្ទះរុស្ស៊ី, កម្ពុជា, ឥណ្ឌូណេស៊ី, មីយ៉ាន់ម៉ា, ហ្វីលីពីន, ឥណ្ឌា អ៊ូបេគីស្ថាន, វៀតណាម និង ម៉ាឡេស៊ី។ ក្នុងនោះសហព័ន្ធកីឡាទូកកានូ និងរ៉ូអ៊ីងកម្ពុជាបានបញ្ជូនប្រតិភូ គ្រូបង្វឹក កីឡាករទូកនាគកម្ពុជា ១៥រូប ជាទៅលទលលទលទ្ធផលកម្ពជាឈ្នះបានមេដាយសរុបចំនួន៣គ្រគ្រឿង មេដាយមាស១ និងសំរឹទ្ធ២គ្រឿងផងដែរ៕
