Month: July 2024

(អាស្តាណា) ៖ កាលពី ថ្ងៃព្រហស្បតិ៍ ប្រធានាធិបតីចិន ស៊ី ជីនពីង និងប្រធានាធិបតីរុស្ស៊ី វ្ល៉ាឌីមៀ ពូទីននៅឯកិច្ចប្រជុំកំពូលអង្គការសហប្រតិបត្តិការសៀងហៃ (SCO) បានបង្ហាញចក្ខុវិស័យរួមមួយសម្រាប់កិច្ចសហប្រតិបត្តិការកាន់តែស៊ីជម្រៅនៅអឺរ៉ាស៊ី ដោយផ្តោតលើសន្តិសុខ នយោបាយ និងសេដ្ឋកិច្ច។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃទី០៤ ខែកក្កដា ឆ្នាំ២០២៤។ កិច្ចខិតខំប្រឹងប្រែងនេះត្រូវបានគេមើលឃើញថា ជាការប្រឆាំងនឹងឥទ្ធិពលរបស់លោកខាងលិច។ មេដឹកនាំទាំងពីរបានសង្កត់ធ្ងន់លើសារៈសំខាន់ នៃការពង្រឹងកិច្ចសហប្រតិបត្តិការក្នុងចំណោមប្រទេសសមាជិក SCO ដើម្បីទប់ទល់នឹងការជ្រៀតជ្រែកពីខាងក្រៅ និងដោះ ស្រាយបញ្ហាប្រឈមក្នុងតំបន់។ លោក…

(ភ្នំពេញ) ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃ​ព្រះរាជាណាចក្រក​ម្ពុជា​នឹង​អញ្ជើញ​ជា​អធអធិបតីភាពដ៏ខ្ពង់ខ្ពស់ក្នុងដឹកនាំ​កិច្ចប្រជុំពេញអង្គគណៈរដ្ឋមន្ត្រីនាព្រឹកថ្ងៃសុក្រ ១៤ រោច ខែ​ជេស្ឋ ឆ្នាំ​រោង​ឆស័ក ព.ស២៥៦៨ ត្រូវ​នឹងថ្ងៃទី៥ ខែកក្កដា ឆ្នាំ២០២៤ នៅវិមានសន្តិភាព។ កិច្ចប្រជុំនេះធ្វើឡើង​ដើម្បីពិភាក្សានិងឆ្លងលើរបៀបវារៈដូចខាងក្រោម៖ ១ សេចក្ដីព្រាងផែនការសកម្មភាពជាតិសម្រាប់ការកាត់បន្ថយហានិភ័យ គ្រោះមហន្តរាយ​ឆ្នាំ២០២៤-២០២៨ ២ សេចក្ដីព្រាងអនុក្រឹត្យស្ដីពីការគ្រប់គ្រងកម្មវិធីវិនិយោគសាធារណៈ៣ឆ្នាំរំកិល។ ៣ បញ្ហាផ្សេងៗសំណើសុំការយល់ព្រមពីគណៈរដ្ឋមន្ត្រី ដើម្បីសុំការអនុម័តពីស្ថាប័ន​នីតិប្បញ្ញត្តិ​លើ​សេចក្ដីព្រាងច្បាប់ស្ដីពីការអនុម័តយល់ព្រមលើអនុសញ្ញាស្ដីពី ឯកភាវូបនីយកម្ម នៃវិធាន​មួយចំ​នួន​ពាក់ព័ន្ធនឹងការដឹកជញ្ជូនអន្តរជាតិតាមផ្លូវអាកាស៕

កំពង់ឆ្នាំង ៖ កាលពីថ្ងៃទី៤ ខែកក្កដា ឆ្នាំ២០២៤ លោកនាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បាននាំយកគ្រឿងឧបភោគបរិភោក និងសម្ភារគ្រឿងសំណង់ និងប្រេងឥន្ធនៈដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ទៅប្រគល់ជូនតំបន់ប្រតិបត្តិការសឹករងកំពង់ឆ្នាំង យោធភូមិភាគពិសេស នៃបញ្ជាការដ្ឋានកងទ័ពជើងគោក នៅក្នុងភូមិសាស្ត្រ ខេត្តកំពង់ឆ្នាំង តាមរយ: ឧត្ដមសេនីយ៍ត្រី អ៊ុំ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង។ នេះជាទឹកចិត្ត…

ស្ទឹងត្រែង៖ កាលពីថ្ងៃទី១​ ខែកក្កដា​ ឆ្នាំ២០២៤ លោកនាយឧត្តមសេនីយ៍​ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បាននាំយកសម្ភារគ្រឿងសំណង់ ជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ទៅប្រគល់ជូនទីបញ្ជាការដ្ឋានកងពលតូចលេខ ១២៨ យោធភូមិភាគទី១ នៅក្នុងភូមិសាស្ត្រ ខេត្តស្ទឹងត្រែង ។ នេះការយកចិត្តទុកដាក់របស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ដែលជានិច្ច កាលតែងតែគិតគូរគ្រប់បែបយ៉ាងពីសុខទុក្ខ និងសុខុមាលភាពរបស់បងប្អូនកងកម្លាំងជួរមុខដែលកំពុងបំពេញភារកិច្ច ។…

ខេត្តស្វាយរៀង៖ ជនជាតិនីហ្សេរីយាម្នាក់ ត្រូវបានសមត្ថកិច្ចកម្លាំងជំនាញផែនការងារប្រ ឆាំងគ្រឿងញៀន បញ្ជូនទៅ តុលាការពាក់ពន្ធ័ករណីជួញដូរគ្រឿងញៀននៅស្រុកស្វាយទាប។ លោកឧត្តមសេនីយ៍ត្រី កែវ សុថា ស្នងការរងទទួលផែន បានឲ្យអ្នកសារព័ត៌មានដឹងនារសៀលថ្ងៃទី៣ខែកក្កដាឆ្នាំ២០២៤នេះថាជនសង្ស័យ ជនជាតិនីហ្សេរីយា ឈ្មោះ MADU DANIEL SOPURU អាយុ២៩ឆ្នាំ ។ ប្រភពបន្តថាដោយអនុវត្តតាម បទបញ្ជារបស់លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង កាលពីថ្ងៃទី០១ ខែកក្កដា ឆ្នាំ២០២៤ វេលាម៉ោង២៣:៣០នាទីយប់នៅចំណុចភូមិអូតាមោ ឃុំមនោរម្យ ស្រុកស្វាយទាប ខេត្តស្វាយរៀង…

ធ្វើសកម្មភាពយកដុំថ្មគប់គ្នា បណ្តាលឲ្យជនរងគ្រោះម្នាក់ឈ្មោះ ហឿន សុជាតិ រងរបួសបែកក្បាលធ្ងន់ធ្ងរ កាលពីថ្ងៃទី០២ ខែកក្កដាឆ្នាំ ២០២៤ វេលាម៉ោង៧និង៥០នាទី នៅចំណុចភូមិសែនសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។ បន្ទាប់ពីទទួលបានពាក្យបណ្តឹងពីគ្រួសារជនរងគ្រោះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅថ្ងៃទី០៣ ខែកក្កដា ឆ្នាំ២០២៤ វេលាម៉ោង ១៥និង០០នាទី បានដាក់បទបញ្ជាឲ្យកម្លាំងការិយាល័យព្រហ្មទណ្ឌកម្រិតស្រាល ចុះស្រាវជ្រាវ និងបានឃាត់ជនសង្ស័យ ចំនួន០៤ នាក់ ១.ឈ្មោះ ងិន…

(ភ្នំពេញ) ៖ កម្លាំងគណៈបញ្ជាឯកភាពខណ្ឌ៧មករាឆ្មុកបង្ក្រាប់ទីតាំងល្បែងស៉ីសងមួយកន្លែង ប្រភេទជល់មាន់អនឡាញ និងបៀក្រាត ដោយដកហូតបានវត្ថុតាង រួមមាន កំព្យូទ័រ ទូរទស្សន៍ និងឃាត់ខ្លួនមនុស្ស៨នាក់។ ប្រតិបត្តិការនេះ បានធ្វើឡើងកាលពីវេលាម៉ោង៤ល្ងាចថ្ងៃទី០៤ ខែកក្កដា ឆ្នាំ២០២៤ ដោយទទួលបានបទបញ្ជាពី លោក ថេង សុថុល អភិបាលនៃគណៈអភិបាលខណ្ឌ៧មករា បានចាត់លោក ណុប ផា អភិបាលរង ដឹកនាំកម្លាំងគណៈបញ្ជាការឯកភាពខណ្ឌ ឆ្មុកចុះបង្ក្រាប់ជាក់ស្ដែងតែម្ដង នៅទីតាំងល្បែងស៉ីសងចំណុចផ្ទះលេខ៣១Eoz ផ្លូវលេខ១៣៤ សង្កាត់មនោរម្យ ខណ្ឌ៧មករា រាជធានីភ្នំពេញ។

នារសៀលថ្ងៃទី ០៤ ខែកក្កដា ឆ្នាំ២០២៤ នាយកដ្ឋានសារមន្ទីរ បានរៀបចំកម្មវិធី ប្រគល់-ទទួលវត្ថុបុរាណខ្មែរចំនួន១៤វត្ថុ ដែលជាសមុច្ច័យរបស់សារមន្ទីរ Metropolitan Museum ហៅកាត់ថាMET នៃសហរដ្ឋអាមេរិក ប្រគល់ត្រឡប់កម្ពុជាវិញ ក្នុងចំណោមវត្ថុទាំង១៤នោះ មានវត្ថុពិចិត្រមួយចំនួនដែលត្រូវបានយកចេញពីប្រទេសកម្ពុជាទៅដូចជា៖ រូបប្រតិមាព្រះនាងឧមា ធ្វើពីថ្មភក់ ដែលត្រូវបានលួចយកចេញទៅក្នុងឆ្នាំ១៩៩៧, ព្រះសិរលោកេសូរ ធ្វើពីសំរិទ្ធដែលមានដងខ្លួនរក្សាទុកនៅក្នុងសារមន្ទីរជាតិ និងប្រតិមាព្រះលោកេសូរធ្វើពីសំរិទ្ធដែលសារមន្ទីរ METទិញពីលោក ឌូគ្លាស ឡាដហ្វដ(Douglas Latchford)ក្នុងឆ្នាំ១៩៩២។ ក្រៅពីនេះមានប្រតិមាផ្សេងៗទៀតធ្វើពីថ្មភក់ និងលោហធាតុចំនួន១១ផ្សេងទៀតក៏បានយោងដំណើរត្រលប់មកមាតុប្រទេសវិញដោយសុខសុវត្ថិភាព៕

ខេត្តមណ្ឌលគិរី÷សិស្សសាលាមួយក្រុមបើកបរ វ៉ាជែងខ្វះការប្រុងប្រយ័ត្នមកដល់ចំណុចផ្លូវកោងក៏រេចង្កូតទៅបុកនឹងរថយន្តកែច្នៃមួយគ្រឿងបណ្ដាលឲ្យ ក្មេងប្រុសម្នាក់បានស្លាប់បន្ទាប់ពីដឹកតាមរថយន្តទៅដល់មន្ទីពេទ្យបង្អែកខេត្តមណ្ឌលគិរីនិងម្នាក់ទៀតកំពុងតែថិតក្នុងការ សង្គ្រោះបន្ទាន់ត្រូវបានបញ្ជូនទៅ មន្ទីរពេទ្យគន្ឋបុប្ផាដើម្បីសង្គ្រោះជីវិត។ ហេតុការណ៍នេះបានកើតឡើងនៅវេលាម៉ោង៣ រសៀលថ្ងៃទី៣ខែកក្កដា ឆ្នាំ២០២៤ត្រង់ចំណុចផ្លូវកោងមួយកន្លែងដែលស្ថិតក្នុងភូមិពូហ៊ូង ឃុំចុងផ្លាស់ ស្រុកកែវសីមា ខេត្តមណ្ឌលគិរី។ លោក ចាន់ សុផារី នាយប៉ុស្តិ៍រដ្ឋបាលចុងផ្លាស់បានឲ្យ ដឹងថាបជនរងគ្រោះ ទី១មានឈ្មោះ ភី សោភ័ណ ភេទ ប្រុសអាយុ១៥ឆ្នាំមុខរបរសិស្សមានទីលំនៅបច្ចុប្បន្នភូមិពូទុងឃុំចុងផ្លាស់ ស្រុកកែវសីមា ខេត្តមណ្ឌលគិរី(ស្លាប់) ពេលដែលបញ្ជូនទៅដល់មន្ទីពេទ្យបង្អែកខេត្ត និងទី២ ឈ្មោះ ស្រុីន ជីឆ័ង ភេទប្រុស អាយុ១៤មុខរបរសិស្សមានទីលំនៅ…

( ខេត្តព្រះសីហនុ) ៖សមត្ថកិច្ចនគរបាលការពារព្រំដែនទឹក បានឲ្យដឹងថា នៅវេលាម៉ោងជាង៣រសៀលថ្ងៃទី០៣ ខែកក្តដា ឆ្នាំ២០២៤ មានទូកនេសាទមួយគ្រឿងបានលិចក្នុងសមុទ្រចន្លោះកោះថ្មីនិងកោះសេះ ដោយសារជួបខ្យល់កន្ត្រាក់បក់បោក និងរលកខ្លាំង ដោយទូកនោះ ជាប្រភេទទូកអូស ពណ៌ត្រួយចេកចាស់ ប្រវែងបណ្តោយ ១២ម៉ែត្រ ប្រវែងទទឹង ២.៨ម៉ែត្រហើយនៅលើទូកនេសាទមានមនុស្សចំនួន ៣នាក់។ ជនរងគ្រោះ ទី១ ឈ្មោះ ពេជ វី ភេទប្រុស អាយុ ៤៥ឆ្នាំ ទី២ ឈ្មោះ យ៉ិន ណិត…