លោកឧបនាយករដ្ឋមន្ត្រី ហ៊ុន ម៉ានី មានមោទនភាព ចំពោះមន្ត្រីរាជការ ដែលបានផ្តល់សេវាសាធារណៈល្អគាប់ចិត្តច្រើនជាងតួនាទី ឬភារកិច្ចដែលកំណត់
នៅក្នុងកិច្ចប្រជុំពិនិត្យវឌ្ឍនភាពការងារឆ្ពោះទៅកាន់ការប្រឡងប្រជែងជ្រើសរើសមន្ត្រីសុខាភិបាលឱ្យចូលបម្រើការងារនៅមន្ទីរពេទ្យបង្អែក កម្រិត១ ប៉ុនរ៉ានី ហ៊ុនសែន រ៉ុនតាឯក និងមន្ទីរពេទ្យបង្អែក កម្រិត១ ពាក់ស្នែង លោកហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានធ្វើការកោតសរសើរប្រកបដោយមោទនភាព ចំពោះមន្ត្រីរាជការ ដែលជាក្រុមការងាររៀបចំការប្រឡងប្រជែងជ្រើសរើសមន្ត្រីរាជការ ក្នុងសកម្មភាព និងកាយវិការនៃការផ្តល់សេវាសាធារណៈបានល្អ និងជាទីគាប់ចិត្តជូនដល់សាធារណជនជាពិសេសបេក្ខជន អស់ពីកម្លាំងកាយចិត្ត ប្រកបដោយភាពទទួលខុសត្រូវខ្ពស់ លើសពីតួនាទីដែលបានកំណត់របស់ពួកគាត់។ លោកឧបនាយករដ្ឋមន្ត្រី បានលើកឡើងបែបនេះ ដោយបានរំលឹកថា មន្ត្រីរបស់យើងបានគិតគូរផ្តល់សេវាសាធារណៈ លើសពីការរៀបចំការប្រឡងប្រជែង មិនថាការពរមើលថែកូនតូច ខណៈដែលឳពុក និងម្តាយកំពុងប្រឡងក្នុងពេលតែមួយ,…