លោក Donald Trump បានចេញមុខថ្លែងសុន្ទរកថាជាថ្មីម្តងទៀត នៅឯកិច្ចប្រជុំ RNC នៅក្នុងទីក្រុង Milwaukee ទីដែលលោករងការបាញ់ប្រហារដដែលនោះនដោយលោកបានឲ្យដឹងថា រូបលោកបានពិភាក្សាយ៉ាងលម្អិត អំពីការប៉ុនប៉ងធ្វើឃាតមកលើរូបលោករួចរាល់ហើយ។ អតីតប្រធានាធិបតីរូបនេះសង្កត់ធ្ងន់ថា ក្នុងហេតុការណ៍ថ្ងៃនោះ គឺលោកបានងាកក្បាលតែបន្តិចប៉ុណ្ណោះ ទើបលោកអាចរួចផុតជីវិតបាន វាពិតជារឿងអស្ចារ្យសម្រាប់ជីវិតលោក បើលោកមិនងាកក្បាលបន្តិតទេ នោះអ្វីៗក៏មិនអាចមានមកដល់ថ្ងៃនេះដែរ។
បេក្ខជនប្រធានាធិបតីលោក Trump បាននិយាយថា “ខ្ញុំបានឈរនៅចំពោះមុខអ្នកគាំទ្ររបស់ខ្ញុំនៅលើឆាកដូចគ្នានេះ វាជាព្រះគុណដ៏ មហិទ្ធិឫទ្ធិនិងអស្ចារ្យបំផុត” ពីព្រះជាម្ចាស់សម្រាប់រូបលោក។ លោកបានមើលឃើញពីរបាយការណ៍ក្នុងរយៈពេលប៉ុន្មានថ្ងៃចុងក្រោយនេះ មនុស្សជាច្រើននិយាយថាវាជាពេលវេលាដ៏អំណោយ ផលសម្រាប់រូបលោកក្នុងយុទ្ធនាការបោះឆ្នោត។ ប៉ុន្តែលោកក៏បានមើលឃើញពីកិច្ចខិតខំប្រឹងប្រែងរបស់រដ្ឋាភិបាលើបញ្ហានេះ និងការរក្សាភាពស្ងប់ស្ងាត់ជាកិត្តិយស សម្រាប់លោកដែរ។
លោក Trump ថ្លែងថា “ការតាំងចិត្តរបស់ពួកយើងគឺគ្មានការបែកបាក់គ្នានោះទេ ហើយគោលបំណងរបស់យើង គឺមិនផ្លាស់ប្តូរនោះដែរ គឺពួកយើងដើម្បីផ្តល់រដ្ឋាភិបាលដែលបម្រើ ដល់ប្រជាជនអាមេរិកាំងពិត ប្រាកដ” ។ លោក Trump ក៏បានប្រាប់ដល់ប្រតិភូ និងអ្នកគាំទ្រគណបក្សសាធារណរដ្ឋថា លោកគ្រោងនឹងប្រយុទ្ធយ៉ាងស្វិតស្វាញសំដីការបោះឆ្នោតខាងមុខ ដើម្បីប្រគល់ជូនពលរដ្ឋអាមេរិកាំងនូវរដ្ឋាភិបាលដែលល្អឥតខ្ចោះមួយ ដើម្បីបម្រើប្រជាជនអាមេរិកាំង”។
លោក Trump បាននិយាយទៀតថា “គ្មានអ្វីនឹងរារាំងរូបខ្ញុំ ក្នុងបេសកកម្មនេះបានទេ ពីព្រោះបេសកកម្មរបស់យើងគឺជាសុចរិតភាព ហើយកងកម្លាំងរបស់យើងគឺបរិសុទ្ធបំផុត” “មិនថាវាមានឧបសគ្គអ្វីមកលើផ្លូវរបស់យើងនោះទេ យើងក៏នឹងមិនបែកបាក់ដែរ ព្រោះ យើងនឹងមិនមានពត់ត្បុត ហើយខ្ញុំក៏រឹតតែមិនថយក្រោយឡើយ”៕
