Month: December 2024

(ភ្នំពេញ) ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាព្រឹកថ្ងៃទី១២ ខែធ្នូនេះ នឹងអញ្ជើញជាអធិបតី ក្នុងពិធី «ទិវាជាតិប្រយុទ្ធប្រឆាំងអំពើជួញដូរមនុស្ស ១២ធ្នូ » លើកទី១៨ នៅសាលមហោស្រពកោះពេជ្រ។ «ទិវាជាតិប្រយុទ្ធប្រឆាំងអំពើជួញដូរមនុស្ស ១២ធ្នូ »ឆ្នាំនេះ នឹងត្រូវធ្វើឡើង ក្រោមប្រធានបទ៖ « កម្ពុជាប្រឆាំងដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងយុគសម័យឌីជីថល » ។ ទិវានេះ ប្រារព្ធឡើង ក្នុងគោលបំណងបង្ហាញពីឆន្ទៈមោះមុតរបស់រាជរដ្ឋាភិបាល នៃព្រះរាជាណាចក្រកម្ពុជាដែលនូវតែបន្តឥតឈប់ឈរ ក្នុងការប្រយុទ្ធប្រឆាំងអំពើជួញដូមនុស្សគ្រប់ទម្រង់…

(ខេត្តកំពង់ស្ពឺ) ៖ ស្ត្រីវ័យចំណាស់ម្នាក់បានរងរបួសធ្ងន់ធ្ងរ បានស្លាប់ក្រោយពេលក្រុមគ្រួសារដឹកយកទៅសង្គ្រោះនៅមន្ទីរពេទ្យបង្អែកស្រុកថ្ពង ខណៈដែលមន្ត្រីរបស់សាលាស្រុកឱរ៉ាល់ម្នាស់សង្ស័យស្រវឹងស្រាជោគជាំជិះម៉ូតូលឿនបុកស្ត្រីរងគ្រោះពេញទំហឹង បង្កឱ្យមានការភ្ញាក់ផ្អើលដល់អ្នកធ្វើដំណើរនិងសមត្ថកិច្ច។ ហេតុការណ៍បុរសជាមន្ត្រីសាលាស្រុកឱរ៉ាល់ជិះម៉ូតូក្នុងស្ថានភាពស្រវឹងស្រាបុកស្ត្រីម្នាក់ស្លាប់នេះបានកើតឡើងកាលពីល្ងាចថ្ងៃទី១០ ខែធ្នូ ឆ្នាំ២០២៤ នៅលើកំណាត់ផ្លូវជាតិលេខ៤៤ ចន្លោះបង្គោលគីឡូម៉ែត្រលេខ៨៨~ទៅលេខ៨៩ នៅក្នុងភូមិតាកោង ឃុំអមលាំង ស្រុកថ្ពង ខេត្តកំពង់ស្ពឺ។ ប្រជាពលរដ្ឋបាននិយាយឱ្យបុរសម្នាក់បានបើកបរម៉ូតូក្នុងស្ថានភាពស្រវឹង ហើយបានជ្រុលទៅបុកអ្នកធ្វើដំណើរតាមដងផ្លូវពេញទំហឹងបណ្តាលរងរបួសធ្ងន់ធ្ងរ ហើយបានបាត់បង់អាយុជីវិតក្រោយដឹកតាមរថយន្តដើម្បីជួយសង្រ្គោះ ធ្វើឱ្យសាច់ញាតិក្រុមគ្រួសារ ពិតជាមានក្តីអាណិតអាសូរជាពន់ពេក។ ក្រុមគ្រួសារសពស្ត្រីរងគ្រោះខាងលើបាននិយាយឱ្យដឹងថា ម្តាយរបស់ពួកគាត់ពិតជាលឿនពេកហើយដោយពួកគាត់ទទួលយកមិនបាននោះទេ គឺផ្តើមចេញពីករណីគ្រោះថ្នាក់ចរាចរណ៍ដោយបុរសម្នាក់បានបើកបរម៉ូតូក្នុងស្ថានភាពស្រវឹងបានជ្រុលទៅបុកម្តាយរបស់ពួកគាត់ដែលដើរលើផ្លូវជាតិលេខ៤៤ ក្នុងទិសដៅបញ្ច្រាសគ្នា យ៉ាងពេញទំហឹង បណ្តាលឲ្យរងរបួសធ្ងន់ បាក់ជើងនិងដៃ ប៉ះពាល់ក្បាលធ្ងន់ធ្ងរ បន្ទាប់មកបានបាត់បង់អាយុជិវិតស្របពេលដឹកបញ្ជូនទៅសង្គ្រោះនៅឯមន្ទីរពេទ្យបង្អែកស្រុក។ បើយោងតាមរបាយការណ៍របស់សមត្ថកិច្ចបានឲ្យដឹងថា…

ក្រសួងមុខងារសាធារណៈ សូមចូលរួមអបអរសាទរ និងសូមជូនដំណឹងអំពីលទ្ធផលនៃការវាយតម្លៃជ្រើសសម្រាំង​បេក្ខជនជ័យលាភីអង្គភាពផ្តល់សេវាសាធារណៈគំរូក្នុងវិស័យអប់រំនិងវិស័យសុខាភិបាលឆ្នាំ២០២៤ និងការអនុវត្តនីតិវិធីបន្តរបស់គណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ។ ឆ្លងកាត់ការអនុវត្តការជ្រើសសម្រាំងដំណាក់កាលបឋម និងដំណាក់កាលជ្រើសសម្រាំងបេក្ខភាពជ័យលាភី គណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ (គ.វ.ជ.) បានសម្រេចជ្រើសរើសបេក្ខភាពវិទ្យាល័យ សាលាមត្តេយ្យសិក្សា មន្ទីរពេទ្យបង្អែកផ្តល់សេវាសំណុំសកម្មភាពបង្គ្រប់កម្រិត១ កម្រិត២ និងកម្រិត៣ ចំនួន១០ ក្នុងមួយកម្រិត សម្រាប់ការវាយតម្លៃនៅដំណាក់កាលនៃការពិនិត្យ និងវាយតម្លៃសម្រេចចុងក្រោយ។ គ.វ.ជ នឹងចាត់គណៈកម្មការបច្ចេកទេសអន្តរក្រសួង ចុះទៅពិនិត្យវាយតម្លៃនៅទីតាំងជាក់ស្តែង របស់បេក្ខភាពដែលត្រូវបានជ្រើសរើសដើម្បីផ្ទៀងផ្ទាត់ទិន្នន័យ និងសាកសួរព័ត៌មានបន្ថែមពីភាគីពាក់ព័ន្ធសម្រាប់ជាមូលដ្ឋានវិនិច្ឆ័យក្នុងការពិនិត្យ និងវាយតម្លៃចុងក្រោយ។

(កណ្តាល) ៖ ដោយសារតែគ្រោះធម្មជាតិបានបង្កធ្វើឲ្យបាក់ច្រាំងទន្លេមេគង្គ ប្រវែងជាង៣០០ម៉ែត្រ ទទឹង ៤០ម៉ែត្រ និងជម្រៅ ៧ម៉ែត្រ បណ្តាលឱ្យបាក់ស្រុតកៀកនឹងលំនៅឋានរបស់ប្រជាពលរដ្ឋ ស្ថិតនៅត្រង់ចំណុចភូមិព្រែកតាបែន ឃុំស្វាយរមៀត ស្រុកខ្សាច់កណ្តាល ខេត្តកណ្តាល ។ មើលឃើញបញ្ហាបែបនេះលោក គួច ចំរើន អភិបាល នៃគណៈអភិបាលខេត្តកណ្ដាល បានយកចិត្តទុកដាក់ ដោយបានអញ្ជើញចុះពិនិត្យដល់កន្លែងកើតហេតុផ្ទាល់ ជាមួយមន្ទីរជំនាញ និងអង្គភាពពាក់ព័ន្ធ និងអាជ្ញាធរមូលដ្ឋាន នៅព្រឹកថ្ងៃទី១១ ខែធ្នូ ឆ្នាំ២០២៤។ ក្នុងឱកាសនោះលោកអភិបាលខេត្ត បានដឹកនាំក្រុមការងារចម្រុះចុះពិនិត្យដោយផ្ទាល់នៅទីតាំងបាក់ច្រាំងនេះ ហើយលោកក៏បានអំពាវនាវដល់ប្រជាពលរដ្ឋដែលរស់…

ខេត្តតាកែវ÷ករណីទំនាស់ដីធ្លី១កន្លែងនៅភូមិបឹងសាទង ឃុំអូរសារាយ ស្រុកត្រាំកក់ ខេត្តតាកែវ កំពុងក្តីក្តាំគ្នានៅឯសាលាដំបូងខេត្តតាកែវ ស្រាប់តែមន្ទីររៀបចំ ដែនដីនគរូប នីយកម្មនិងសំណង់ខេត្តតាកែវ ចេញប្លង់រឹងឲ្យទៅភាគីម្ខាងដែលប្រការនេះគឺខុសទាំងស្រុងទៅនឹងច្បាប់។ ប៉ុន្តែលោកនួន សុធា ប្រធានមន្ទីររៀបចំដែនដីនគរាបនីយកម្មនិងសំណងខេត្តតាកែវឆ្លើយតបថា មកពីគ្មានអ្នកតវ៉ា។ យ៉ាងណាក៏ដោយមន្ត្រីរាជការនានា នៅខេត្តតាកែវនិយាយថា អ្វីដែលមន្ទីររៀបចំដែនដីខេត្ត តាកែវបានធ្វើនេះ គឺខុសនឹងច្បាប់ទាំងស្រុងប្រការនេះគួរតែលោកឧបនាយករដ្ឋមន្ត្រីសាយ សំអាល់ រដ្ឋមន្ត្រីក្រសួងដែនដីនគរបនីយកម្មនិងសំណង់ពិនិត្យករណីលោក នួន សុធា ប្រធានមន្ទីរដែនដីនគរូបនីយ កម្មនិងសំណង់ខេត្តតាកែវនោះផង។ គួរបញ្ជាក់ថា តាំងពីអំឡុងឆ្នាំ១៩៩០ ដីដែលមានទំហំ ១១៩៣៦ ម៉ែត្រការ៉េ មានទីតាំងស្ថិតនៅ…

ខេត្តកំពង់ឆ្នាំង÷លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានលើកឡើងថា «សព្វថ្ងៃនេះ ក្រុម ប្រឆាំងជ្រុលនិយមមួយក្តាប់តូចកំពុងសម្ងំនៅទីងងឹតដើម្បីផលិតព័ត៌មានក្លែងក្លាយ មួលបង្កាច់ បំផ្លើសបំភ្លៃ គ្រប់ទម្រង់ក្នុងគោលបំណងញុះញង់បង្កឱ្យមានចលា ចលសង្គមតាមសេណារីយោបដិវត្តន៍ពណ៌របស់ខ្លួន។ ប៉ុន្តែ ព័ត៌មានពិត គឺជាពន្លឺដែលចូលទៅលុបបំបាត់ទីងងឹតដែលជាជម្រករបស់ក្រុមអ្នកបង្កើតព័ត៌មានក្លែង ក្លាយទាំងនោះឱ្យអស់ពីសង្គមយើង។ ជាក់ស្តែង តាម រយៈព័ត៌មានពិតដែលយើងបានបង្ហាញ មិនត្រឹមតែប្រជាពលរដ្ឋទូទៅទេដែលយល់ច្បាស់ពីសមិទ្ធផលរបស់រាជរដ្ឋាភិបាល សូម្បីអ្នកដែលធ្លាប់គាំទ្រក្រុមប្រឆាំងជ្រុលនិយមក៏បានប្រកាសចូលរួមជីវភាពនយោបាយជាមួយគណបក្សប្រជាជនកម្ពុជាដូចទឹកបាក់ទំនប់។ ប្រធានអង្គភាពអ្នកនាំពាក្យរាជរដ្ឋាភិបាលពន្យល់បន្តទៀតថា រាជរដ្ឋាភិបាលដែលមាន សម្តេចតេជោ ហ៊ុន សែន ជាអតីតនាយករដ្ឋមន្ត្រី និងបច្ចុប្បន្នមាន សម្តេចធិបតី…

(ខេត្តសៀមរាប) ៖នៅព្រឹកថ្ងៃទី១១ ខែធ្នូ ឆ្នាំ២០២៤នេះ កិច្ចប្រជុំបច្ចេកទេសលើកទី៣៩ នៃគណៈកម្មាធិការអន្តរជាតិ​ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្រ្តអង្គរ និងសំបូរព្រៃគុក បានចាប់ផ្តើមហើយ ដោយមានថ្នាក់ដឹកនាំ និងអ្នកជំនាញការជាតិ-អន្តរជាតិប្រមាណជិត៣០០នាក់ចូលរួម។ កិច្ចប្រជុំនេះប្រព្រឹត្តិឡើងក្រោមវត្តមានលោក សាយ សំអាល់ ឧបនាយករដ្ឋមន្រ្តី និងជារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់,លោកស្រីបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា ភ្ញៀវជាតិ-អន្តរជាតិ ដែលមានសហប្រធានបារាំង និងជប៉ុន ជាអ្នកសម្របសម្រួលកិច្ចប្រជុំ។ កិច្ចប្រជុំបច្ចេកទេសលើកទី៣៩ នៃគណៈកម្មាធិការអន្តរជាតិអាយស៊ីស៊ី-អង្គរ និងសំបូរព្រៃគុក…

ខេត្តឧត្តរមានជ័យ ៖ កម្លាំងសមត្ថកិច្ចស្រុកអន្លង់វែងសហការជាមួយកម្លាំងមន្ត្រីបរិស្ថាន បានឃាត់ខ្លួនបុរស​២​នាក់ពីបទ​ដាក់​អន្ទាក់ និង​ដាក់​ខ្សែលួស​ឆក់​យក​សត្វ ព្រៃបណ្តាលឲ្យសត្វទន្សោង១ក្បាលងាប់។ ហេតុការណ៍​ នេះ ចាប់ឃាត់ខ្លួននេះកើតឡើង​នៅ​ក្នុង​ដីចម្ការ​ក្រូច​មួយ​កន្លែង មាន​ម្ចាស់​ឈ្មោះ​ផែន ស្ថិត​ក្នុងភូមិ​គោក​សំព័រ ឃុំ​លំ​ទង ស្រុក​អន្លង់​វែង ខេត្តឧត្តរមានជ័យ កាលពី​រសៀល​ថ្ងៃ​ទី​១០ ខែធ្នូ ឆ្នាំ​២០២៤ កន្លង​ទៅ​នេះ ។ កម្លាំងនគរបាលដែលចុះប្រតិបត្តិការផ្ទាល់បានឲ្យដឹងថា ជនសង្ស័យ​ដែល​ឃាត់ខ្លួន​ម្នាក់​ឈ្មោះ​តូ ដា ភេទ​ប្រុស អាយុ​៣៤​ឆ្នាំ និង​ម្នាក់​ទៀត​ឈ្មោះបូ កក្កដា ភេទ​ប្រុស អាយុ​១៨​ឆ្នាំ ទាំង​២​នាក់​នេះ រស់នៅ​ក្នុងភូមិ​ឃុំ​កើតហេតុ​ខាងលើ​។…

ក្នុងនាមប្រជាពលរដ្ឋដែលមានលំនៅឋានម្ដុំពោចិនតុងពិតជាមានចម្ងល់ថា ហេតុអ្វីបានជាសួនកុមារពោធិ៍ចិនតុងមិនព្រមជួសជុលដាក់ឲ្យដំណើរការឡើងវិញ យ៉ាងដូច្នេះ? មិនទាន់ផុតអាណត្តិ ឬយ៉ាងដូចម្ដេច? ផុតឬមិនផុតក៏គួរតែរៀបចំសួន១កន្លែងនេះ ដើម្បីឲ្យក្មេងៗបានទៅលេងកម្សាន្តហើយ។ ការទុកឲ្យសួននៅយ៉ាងដូច្នេះមិនល្អមើលនោះទេ។ ប្រជាពលរដ្ឋដែលនៅម្ដុំនោះបាននិយាយថា សួនកុមារពោធិ៍ចិនតុងត្រូវបានយកទៅធ្វើជាផ្សារបណ្ដោះអាសន្ននៅពេលដែលផ្សារស៊ិនជូរីផ្លាហ្សា នៅទល់មុខគ្នានោះ រៀបចំអភិវឌ្ឍន៍ដោយធ្វើថ្មី៊។ ប៉ុន្តែនៅពេលដែលផ្សារសិនជូរីផ្លាហ្សាធ្វើរួចហើយ អាជីវករបានរើ ទៅលក់នៅទីតាំងថ្មី ដូច្នេះសួនកុមារត្រូវនៅទំនេរ ដែលល្មមដល់ ពេលវេលា អាជ្ញាធរឬខាងភាគីផ្សារស៊ិនជូរីផ្លាហ្សាជួស ជុលឲ្យសួនកុមារនេះដំណើរការឡើងវិញហើយ។ ការរង់ចាំដ៏យូរមិនឃើញមានការជួសជុលនោះទេ។ មិនដឹងហេតុអ្វី? វាក្លាយជាកន្លែងបន្ទោបង់ទៅហើយ? ក្នុងនាមប្រជាពលរដ្ឋ ពិតជាចង់ឃើញសួនកុមារនេះត្រូវបានជួសជុលរៀបចំឡើងវិញ ដើម្បីឲ្យក្មេងៗបានទៅកំសាន្ត ពីព្រោះនៅម្ដុំនោះមិនមានសួនសម្រាប់កំសាន្តរបស់កុមារនោះឡើយ។ ក្នុងនាមប្រជាពលរដ្ឋនៅម្ដុំនោះពិតជារំពឹងថា សួនកុមារពោធិ៍ចិនតុងនឹងត្រូវបានរៀបចំជួសជុលដើម្បីផ្ដល់ឱកាសឲ្យកុមារបានទៅលេងកម្សាន្តក្នុងពេលឆាប់ៗខាងមុខនេះ៕