លោក ស៊ា កុសល បានទទួលជួបពិភាក្សាការងារជាមួយឯកអគ្គរាជទូតថៃ ប្រចាំកម្ពុជា នៅទីស្តីការក្រសួង

លោក ស៊ា កុសល រដ្ឋលេខាធិការប្រចាំការ តំណាងលោក សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ទទួលជួបពិភាក្សាការងារជាមួយលោក ATTHAKOR Cherdkiat ឯកអគ្គរាជទូតនៃព្រះរាជាណាចក្រថៃឡង់ដ៏ ប្រចាំព្រះរាជាណាចក្រកម្ពុជា ក្នុងគោលដៅពង្រឹងកិច្ចសហប្រតិបត្តិការកុងស៊ុលរវាងប្រទេសទាំងពីរ និងបន្តអភិវឌ្ឍចំណងមិត្តភាពប្រទេសទាំងពីរ ឱ្យកាន់តែរីកចំរើនថែមទៀត នាថ្ងៃទី២៨ ខែមិថុនា ឆ្នាំ២០២៤ នៅទីស្តីការក្រសួង រាជធានីភ្នំពេញ ៕