វិទ្យាស្ថានជាតិអភិវឌ្ឍន៍រដ្ឋបាលរបស់ថៃ បានបង្ហាញអោយឃើញថា មានប្រជាជនថៃតែ ១២,៨២ % ដែលពេញចិត្តនឹងការដឹកនាំរបស់លោកស្រី លោកស្រី Paetongtarn Shinawatra

ក្នុង ៦ ខែនៃការកាន់អំណាចរបស់លោកស្រី Paetongtarn Shinawatra វិទ្យាស្ថានជាតិអភិវឌ្ឍន៍រដ្ឋបាល ( National Institute of Development Administration – NIDA ) របស់ថៃ បានបង្ហាញអោយឃើញថា មានប្រជាជនថៃតែ ១២,៨២ % ដែលពេញចិត្តនឹងការដឹកនាំរបស់លោកស្រី ក្នុងពេលដែល ៣៤,៥៨ % មិនសូវពេញចិត្ត និង ២០ % មិនពេញចិត្តតែម្តង ។

នៅលើសំណួរដែលថាតើប្រជាជនទុកចិត្តលើសមត្ថភាពរបស់រដ្ឋាភិបាលថៃក្នុងការដោះស្រាយបញ្ហាជាតិដែរឬទេ ៣៦,៤៨ % មានការទុកចិត្តតិចតួច និង ២៦,២៦ % មិនទុកចិត្តសោះតែម្តង – កាសែតបាងកកប៉ុស្ត ៣ មីនា ២០២៥។