ស្លាប់ម្នាក់ របួស២នាក់ ករណីចរន្តអគ្គិសនីឆក់នៅស្រុកទ្រាំង ខេត្តតាកែវ

ខេត្តតាកែវ÷មនុស្សម្នាក់បានស្លាប់និង២នាក់ទៀតរងរបួស ករណីចរន្តអគ្គិសនីឆក់កាលពីវេលាម៉ោង១១និង ២០នាទីថ្ងៃទី១៥ ខែមករា ឆ្នាំ២០២៥ ក្នុងភូមិត្រពាំងប្រិយ ឃុំអង្គខ្នុរ ស្រុកទាំង ខេត្តតាកែវ។

លោកអធិការនគរបាលស្រុកទ្រាំងបានឱ្យដឹងថា មុនពេលកើតហេតុនៅផ្ទះឈ្មោះអៀម ស៊ីណា ភេទប្រុស អាយុ ៥២ឆ្នាំ មានទីលំនៅភូមិ-ឃុំខាងលើបានជួលជាងមកធ្វើផ្ទះហើយជាងក៏ចាប់ផ្តើមចូលមកបុកគ្រឹះ តែជា អកុសលឡានស្ទូចបានស្ទូចសសរបុកគ្រឹះខុសបច្ចេសកទេសដងសន្ទូចក៏បានប៉ះនឹងខ្សែអគ្គីសនីក៏បានឆក់ចំនួនបីនាក់ របួស២នាក់និងស្លាប់ម្នាក់តែម្តង។

លោកអធិការនគរបាលស្រុកបន្តទៀតថា ជនរងគ្រោះទាំង៣នាក់នោះមាន ១.ឈ្នោះម៉ៃ ស៊ីណា ភេទ ប្រុស អាយុ២៤ឆ្នាំមានស្រុកកំណើត ភូមិតាខិណ ឃុំចន្ត្រី ស្រុករមាសហែក ខេត្តស្វាយរៀង(អ្នកបញា្ជឡានស្ទូច) ចូលសង្គ្រោះបន្ទាន់ពេទ្យ ជីឡាក្រុងដូនកែវ បច្ចុប្បន្ន ស្នាក់នៅជាមួយថៅកែសង្កាត់ភ្លើងឆេះរទេះ ខណ្ឌ័កំបូល រាជធានីភ្នំពេញ។ ២.ឈ្មោះរាម ឡង ភេទ ប្រុសអាយុ ២៧ឆ្នាំភូមិគោកជ ឃុំស្តៅ ស្រុករតនៈមណ្ឌល ខេត្ត បាត់ដំបង បច្ចុប្បន្ន ស្នាក់នៅ ភូមិដំណាក់សង្កែ សង្កាត់ព្រែកកំពឹស ខណ្ឌ័ដង្កោ រាជធានីភ្នំពេញ មុខរបរកម្មករ។

និងឈ្មោះ ដុក រដ្ឋា ភេទប្រុស អាយុ៣៧ឆ្នាំ(ស្លាប់នៅ នឹងកន្លែង) ស្រុកកំណើត ភូមិទេពអជូន ឃុំកោះខែល ស្រុកស្អាង ខេត្តកណ្តាល មុខរបរកម្មករ។ សុខភាពធម្មតាបច្ចុប្បន្ន រស់នៅភូមិឫស្សី សង្កាត់បារាយណ៍ ក្រុងដូនកែវ ខេត្តតាកែវ៕