(បាត់ដំបង) កម្លាំងនៃអធិការដ្ឋាននគរបាលស្រុកគាស់ក្រឡ បានចុះប្រតិបត្តិការនាំខ្លួនជនសង្ស័យ០២នាក់ពាក់ព័ន្ធករណីលាក់ទុកអាវុធនិងគ្រាប់បែកដៃដោយខុសច្បាប់ ។ ប្រតិបត្តិការខាងលើនេះបានធ្វើឡើងកាលពីថ្ងៃទី១១ ខែកញ្ញា ឆ្នាំ២០២៤ នៅចំណុចអូរអាឡោក ស្ថិតក្នុងភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង។
ជនសង្ស័យទាំង២នាក់ ដែលសមត្ថកិច្ចឃាតខ្លួន ទី១.ឈ្មោះ ជន ជឿម ភេទប្រុស អាយុ ៥៩ឆ្នាំ និង ទី២.ឈ្មោះ សោម សុវណ្ណ ភេទប្រុស អាយុ ៤៤ឆ្នាំ អ្នកទាំងពីររស់នៅចំណុចទីតាំងខាងលើ និងបានដកហូតអាវុធប្រភេទ AK47 អត់ស្វាយ០១ដើម បង់១ មានគ្រាប់ចំនួន ៤២គ្រាប់ ,គ្រាប់បែកដៃចំនួន០២គ្រាប់ និងកូនកាំបិតខ្លីមួយដើមផងដែរ។
ក្រោយពេលឃាត់ខ្លួន សមត្ថកិច្ចបានបញ្ជូនជនសង្ស័យខាងលើទៅអធិការដ្ឋាននគរស្រុកគាស់ក្រឡ ធ្វើការសាកសួរ រួចសមត្ថកិច្ចរៀបចំសំណុំរឿងតាមនីតិវិធីច្បាប់ ៕ 
