Month: December 2024

(ភ្នំពេញ) ៖ នៅថ្ងៃទី១៤ ខែធ្នូ ឆ្នាំ២០២៤ នេះ ជាខួប៦៩ឆ្នាំហើយ ដែលកម្ពុជាបានចូលជាសមាជិកអង្គការសហប្រជាជាតិ (UN) (១៤ ធ្នូ ១៩៥៥-១៤ធ្នូ ២០២៤) ។ អង្គការសហប្រជាជាតិ អ.ស.ប (United Nations-UN)គឺជាអង្គការអន្តរជាតិដែលធំជាងគេបំផុតក្នុងពិភពលោក ត្រូវបានបង្កើតឡើងតាំងពីថ្ងៃទី២៤ ខែតុលា ឆ្នាំ១៩៤៥ ក្រោយសង្គ្រាមលោកលើកទី២ត្រូវបានបញ្ចប់ (១៩៣៩-១៩៤៥)។ គោលបំណង UN គឺការថែរក្សាសន្តិភាព និងសន្តិសុខអន្តរជាតិ លើកស្ទួយសហប្រតិបត្តិការអន្តរជាតិក្រោមច្បាប់អន្តរជាតិ អភិវឌ្ឍផ្នែកសេដ្ឋកិច្ច ចូលរួមអន្តរាគមន៍ដោះស្រាយជម្លោះរវាងរដ្ឋជាសមាជិក…

(ខេត្តព្រៃវែង)÷ក្មួយក្រពើពីរនាក់ប៉ុនប៉ងលេប យកដីផ្ទះរបស់ម្ដាយមីងចាស់ជរាគ្មានទីពឹងម្នាក់រស់នៅភូមិ-ឃុំកំពង់ពពិល ស្រុកពារាំង តាមរយៈការឃុបឃិតជាមួយអាជ្ញាធរមូលដ្ឋានភូមិ-ឃុំ។ យ៉ាងណាក៏ដោយសាលា ដំបូងខេត្តព្រៃវែង មិនទាន់បានផ្ដល់យុត្តិធម៌ជូនលោកយាយកំព្រាម្នាក់នេះហើយ បន្តទៅសាលាឧទ្ធរណ៍បានធ្វើឲ្យលោកយាយអស់សង្ឃឹមម្ដងទៀត។ អ្នកភូមិទាំងឡាយរស់នៅភូមិកំពង់ពពិល..ដែលជាសាក្សីរស់សុទ្ធតែដឹងថាគ្រួសារពីរនាក់ប្ដីប្រពន្ធដែលជាក្មួយនោះគឺជាសត្វក្រពើយ៉ាងពិតប្រាកដ។ អ្នកភូមិបានឲ្យដឹងថា ក្មួយស្រីឈ្មោះ ទីវ សុខា និងប្ដីឈ្មោះ វន់ ខេមរ៉ាវុធ មុខរបរជាមន្ត្រីសុខាភិបាល(ក្មួយរបស់ប្ដីលោកយាយ) បានសុំពឹងពាក់ស្នាក់អាស្រ័យរស់នៅជាមួយលោកយាយកាលពីជាង១០ឆ្នាំមុន។ តែ នៅទីបំផុតដោយគ្មានសេចក្តីអៀនខ្មាស់ បាបបុណ្យបែរ ជារៀបផែនការលេបត្របាក់យកផ្ទះ សម្បែងដីធ្លីរបស់លោកយាយដែលមានក្បាល ៤×៣០ មែត្រទៅវិញ នោះគឺករណីលោកយាយ ជាម ម៉េត អាយុ៧៦ រស់នៅភូមិ-ឃុំកំពង់ពពិល…

ស្ត្រីជាមេឆ្នោតដុះស្លែឈ្មោះ លីណា ប្រចាំក្រុងតាខ្មៅដែលបានលួចលក់ និងកត់ឆ្នោតវៀតណាម (កន្ទុយ លេខឬឆ្នោតយួន) ឲ្យក្រុមអ្នកញៀនលេងឆ្នោតយ៉ាង សកម្មបំផុតនោះ នៅថ្ងៃទី១៣ ខែធ្នូ ឆ្នាំ២០២៤នេះ អត់ បើកទ្វាទទួលកត់ឆ្នោតទេ ពោលគឺបិទទ្វាស្ងាត់ឈឹងតែ ម្ដង មិនចេញ-ចូលៗដូចសព្វមួយដងនោះទេ ។ ប្រភពឲ្យដឹងទៀតថា ស្ត្រីជាមេឆ្នោតម្នាក់នេះ ទំនងជាចេញទៅតាមខេត្តឬសម្ងំនៅ កន្លែងណាមួយ ព្រោះខ្លាចកម្លាំងមានសមត្ថកិច្ចតាមរកមុខ។ ប្រភពបន្តទៀតថា មេឆ្នោតរូបនេះ មានអ្នកកាងពី ក្រោយមិនធម្មតាទេ សមត្ថកិច្ចល្មមៗមិនហ៊ាននឹងក្បែរផង ទោះដឹងថា បានលួចលក់ លួចកត់ឆ្នោតខុសច្បាប់ក៏ដោយ…

ក្រសួងអប់រំ យុវជន និងកីឡា បានបញ្ជាក់ថា៖ ក្រសួងអប់រំ យុវជន និងកីឡា មិនធ្លាប់យល់ព្រមលើសំណើណាមួយក្នុងការបញ្ចូលភាសាវៀតណាមក្នុងកម្មវិធីសិក្សាផ្លូវការនោះទេ។ ក្រសួងអប់រំ យុវជន និងកីឡា បានប្រកាសបដិសេធ និងច្រានចោលទាំងស្រុង ចំពោះការចុះផ្សាយ ព័ត៌មានក្លែងក្លាយ គ្មានមូលដ្ឋានច្បាស់លាស់ និងមានចរិកបំពុលបរិយាកាសសង្គម ដែលធ្វើឱ្យសាធារណជន មានការភាន់ច្រឡំ ព្រមទាំងស្នើសុំឱ្យប្រភពព័ត៌មានដែលបានផ្សព្វផ្សាយព័ត៌មានមិនពិតទាំងនោះ ធ្វើការកែ តម្រូវជាបន្ទាន់។

ភ្នំពេញ÷នាព្រឹកថ្ងៃទី១៣ ខែធ្នូឆ្នាំ២០២៤នេះ វេទិកាស្តីពីការផ្សព្វផ្សាយឆ្លាតវៃនៃប្រព័ន្ធផ្សព្វផ្សាយកម្ពុជា-ចិនឆ្នាំ ២០២៤ដែលសហការរៀបចំដោយក្រសួងព័ត៌មាននៃព្រះព្រះរាជាណាចក្រកម្ពុជានិងមជ្ឈមណ្ឌលកម្មវិធីភាសាតំបន់អាស៊ី និង អាហ្វ្រិកនៃអគ្គស្ថានីយវិទ្យុ និង ទូរទស្សន៍មជ្ឈិមចិនបានប្រារព្ធធ្វើនៅរាជធានីភ្នំពេញ។ ពិធីនេះប្រព្រឹត្តទៅក្រោមវត្តមាន លោក នេត្រ ភក្ត្រា រដ្ឋមន្ត្រីក្រសួងព័ត៌មាននៃព្រះព្រះរាជា ណាចក្រកម្ពុជា លោក Chencong អគ្គទីប្រឹក្សានៃស្ថានទូតចិនប្រចាំព្រះរាជាណាចក្រកម្ពុជាអញ្ជើញចូលរួមវេទិកាព្រមទាំងថ្លែងសន្ទរកថា ឯកឧត្ដម An Xiaoyu និពន្ធនាយករងប្រចាំការCGTN និងជាប្រធានមជ្ឈមណ្ឌលកម្មវិធីភាសាតំបន់អាស៊ី និង អាហ្វ្រិកនៃអគ្គស្ថានីយវិទ្យុ និង ទូរទស្សន៍មជ្ឈិមចិនថ្លែងសន្ទរកថាតាមវីដេអូ ភ្ញៀវកិត្តិយសជាង ១៥០រូប ដែលមកពីក្រសួង ព័ត៌មាន…

(ភ្នំពេញ)៖ នៅព្រឹកថ្ងៃសុក្រ ១៣កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤ នេះសម្តេចមហាបវរធិបតី នាយករដ្ឋមន្ត្រីកម្ពុជា អញ្ជើញ បើក «ពិព័រណ៍ពាណិជ្ជកម្មកម្ពុជា»។ ពិព័រណ៍ពាណិជ្ជកម្មកម្ពុជា ដែលជាពិព័រណ៍ពាណិជ្ជកម្មកម្រិតអន្តរជាតិ ត្រូវបានធ្វើឡើងក្រោមមូលបទ៖ «យុគសម័យថ្មីនៃពាណិជ្ជកម្ម»។ ពិព័រណ៍នេះ មានរយៈពេល៤ថ្ងៃចាប់ពីថ្ងៃទី១៣ ដល់ថ្ងៃទី១៦ ខែធ្នូ ឆ្នាំ២០២៤ នៅមជ្ឈមណ្ឌលភីអេច ហ្គ្រេនហល បុរីប៉េងហួតបឹងស្នោ។ ខាងក្រោមជាខ្លឹមសារសំខាន់របស់ សម្តេចមហាបវរធិបតី…

ខណៈសម្ពាធទាបកើតមាននៅលើសមុទ្រចិនខាងត្បូង បានធ្វើឱ្យខ្យល់មូសុងឦសាន ដែលគ្របដណ្ដប់លើភាគខាងក្រោមនៃអាងទន្លេមេគង្គ ព្រះរាជាណាចក្រកម្ពុជា និងឈូងសមុទ្រថៃមានឥទ្ធិពលខ្លាំង។ ស្ថានភាពបែបនេះនឹងធ្វើឱ្យចាប់ពីថ្ងៃទី១៣ ដល់ថ្ងៃទី១៥ ខែធ្នូ ឆ្នាំ២០២៤៖

(ភ្នំពេញ)៖ នាល្ងាចថ្ងៃព្រហស្បតិ៍ ទី១២ ខែធ្នូ ឆ្នាំ២០២៤នេះ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឆ្លៀតចុះជួបសាកសួរសុខទុក្ខកម្មករនិយោជិតដោយផ្ទាល់នៅតាមកន្លែងស្នាក់នៅក្នុងតំបន់សួនឧស្សាហកម្ម កាណាឌីយ៉ា ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ គោលបំណងដែលលោករដ្ឋមន្ត្រី ចុះជួបផ្ទាល់ជាមួយបងប្អូនកម្មករនិយោជិតនាពេលនេះ គឺដើម្បីពិនិត្យមើលជាក់ស្តែងអំពីជីវភាព និងការស្នាក់នៅ ជាពិសេសបានដឹងពីសុខទុក្ខពិតប្រាកដរបស់បងប្អូនកម្មករនិយោជិតដែលកំពុងបំពេញការងារនៅតាមរោងចក្រ សហគ្រាសនានា។ នៅក្នុងឱកាសជួបសំណេះសំណាលផ្ទាល់ក្នុងបរិយាកាសដ៏ស្និទ្ធស្នាលជាមួយលោករដ្ឋមន្ត្រី នាពេលនេះ បងប្អូនកម្មករនិយោជិតក៏បានជម្រាបជូនឯកឧត្តមរដ្ឋមន្ត្រី អំពីជីវភាពរស់នៅ និងការងារក្នុងរោងចក្រ សហគ្រាស រួមនិងអត្ថប្រយោជន៍ផ្សេងៗដែលទទួលបានពីរោងចក្រ សហគ្រាស និងការគិតគូរយកចិត្តទុកដាក់ពីសំណាក់រាជរដ្ឋាភិបាលផ្តល់ជូនដល់កម្មករនិយោជិតផងដែរ។…