Month: August 2024

លោក នេត្រ ភក្ត្រា រដ្ឋមន្រ្តីក្រសួងព័ត៌មាននៃព្រះរាជាណាចក្រកម្ពុជា បានបង្ហាញការប្តេជាចិត្តបន្តកិច្ចសហប្រតិបត្តិការដើម្បីពង្រីកបន្ថែមនូវទំនាក់ទំនងក្នុងវិស័យព័ត៌មានរវាងកម្ពុជា-ចិន ឱ្យកាន់រឹងមាំ។ សេចក្តីបញ្ជាក់នេះបានធ្វើឡើងនៅក្នុងជំនួបរវាងលោក នេត្រ ភក្ត្រា ជាមួយលោក Shi Zhongjun អគ្គលេខាធិការនៃមជ្ឍមណ្ឌលអាស៊ាន-ចិន នៅទីក្រុង Changzhi ខេត្ត Shanxi នៃសាធារណរដ្ឋប្រជាមានិតចិននារសៀលថ្ងៃទី១១ ខែសីហា ឆ្នាំ២០២៤នេះ។ នៅក្នុងឱកាសនោះដែរលោករដ្ឋមន្រ្តីបានគូសបញ្ជាក់ពីសារសំខាន់នៃកិច្ចសហប្រតិបត្តិការរវាងអាស៊ាន-ចិន ជាពិសេសរវាងប្រទេសកម្ពុជា-ចិន ដោយផ្តោតលើក្របខណ្ឌនៃកិច្ចសហប្រតិបត្តិការឆ្នាំនៃការផ្លាស់ប្តូររវាងប្រជាជន និងប្រជាជន ដែល បានរួមគ្នាបង្កើននូវសមិទ្ធផលជាច្រើននៅក្នុងវិស័យព័ត៌មាន អប់រំ វប្បធម៌ និងពាណិជ្ជកម្ម។ សូមបញ្ជាក់ថា…

(កណ្តាល) ៖ ក្រោយមានសេចក្តីរាយការណ៍របស់ប្រជាពលរដ្ធ ថាមានក្រុមក្មេងទំនើង ជាច្រើននាក់កំពង់ផ្តុំគ្នាជក់បារីអេឡិចត្រូនិក ភ្លាមនោះលោក ចេង ឌីណា អភិបាលស្រុកខ្សាច់កណ្តាល និងជាគណៈបញ្ជាការឯកភាព បានចាត់លោក លីម ស៊ីលាង អភិបាលរង ស្រុក ដឹកនាំកម្លាំងគណៈបញ្ជាការឯកភាពស្រុក ចុះបង្ក្រាបកាលពីវេលាព្រឹកថ្ងៃទី១០ ខែសីហាឆ្នាំ២០២៤នៅចំណុចក្នុងទីតាំងអាហារដ្ធានមួយកន្លែងឈ្មោះ ប៉ីប៉ី ដែលស្ថិតនៅក្នុងភូមិកំពង់ដំរី ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល បានចំនួន៥២នាក់ ដើម្បីណែនាំនិងអប់រំ ។ លោក លីម ស៊ីលាង អភិបាលរងស្រុកខ្សាច់កណ្តាលបានប្រាប់អោយដឹងថា…

យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា តំបន់មាត់សមុទ្រ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ១៥% ។ តំបន់ខ្ពង់រាប គ្របដណ្ដប់លើផ្ទៃដី ១០% និង តំបន់វាលទំនាប គ្របដណ្ដប់លើផ្ទៃដី៥%។ ការប្រែប្រួលអាកាសធាតុដែលអាចមានភ្លៀងធ្លាក់នេះគឺអាស្រ័យដោយ ព្យុះទី៥ឈ្មោះ ម៉ារីយ៉ា (Maria) ជាមួយខ្យល់មូសុងនិរតី បានថយឥទ្ធិពល ខណៈសម្ពាធទាបគ្របដណ្តប់លើសមុទ្រចិនខាងត្បូង ភាគកណ្តាលនៃអាងទន្លេមេគង្គ និងលើព្រះរាជាណាចក្រកម្ពុជា ។ ស្ថានភាពបែបនេះចាប់ពីថ្ងៃទី១២ ដល់ថ្ងៃទី១៤ ខែសីហា ឆ្នាំ២០២៤។ ទន្ទឹងនេះទៀត…

យោងតាមនាយកដ្ឋានជលសាស្ត្រ និងការងារទន្លេ បានអោយដឹងនៅថ្ងៃទី១២ ខែសីហានេះ ការវាស់កំពស់ទឹកនៅទន្លេមេគង្គ-ស្ទឹងត្រែង ឃើញមានការថយចុះចំនួន ០,១២ម៉ែត្រ ខណៈដែលស្ថាននីយជលសាស្ត្រផ្សេងទៀតបានកើនឡើង។ ការថយនេះបានធ្វើអោយកំពស់ទឹកនៅស្ទឹងត្រែងនៅសល់ ៧,៣២ម៉ែត្រ។ ដោយឡែកនៅស្ថាននីយជលសាស្ត្រ ផ្សេងៗទៀតមានការកើនកំពស់ទឹក។ ដូចជា នៅស្ថាននីយជលសាស្ត្រ ទន្លេមេគង្គ-​ចតុមុខ បានកើនកំពស់ចំនួន ០,០៦ម៉ែត្រ ធ្វើអោយកំពស់ឡើងដល់ ៦,៤៧ម៉ែត្រ ខណៈនៅស្ថាននីយជលសាស្ត្រ ទន្លេមេគង្គ-អ្នកលឿង បានឡើងកំពស់ចំនួន ០,០១ម៉ែត្រ ធ្វើអោយកំពស់ឡើងដល់ ៥,៥៤ម៉ែត្រ ៕

(ភ្នំពេញ)៖ តាមរយៈបណ្តាញសង្គម Facebook នាយប់ថ្ងៃទី១១ ខែសីហា ឆ្នាំ២០២៤ សម្តេចតេជោ ហ៊ុន សែន បានបង្ហោះវិដេអូរបស់តារាចម្រៀង លី តិចម៉េង ដែលចេញបកស្រាយទាំងយប់ ពាក់ព័ន្ធវិដេអូរបស់លោកលុបចោលរាប់ខែមកហើយ បែរជាពួកជ្រុលសង្គមលួចបង្ហោះឡើងវិញ។ ខ្លឹមសារទាំងស្រុងរបស់សម្តេចតេជោ ហ៊ុន សែន៖ «សូមស្តាប់ការបកស្រាយរបស់តារាចម្រៀងល្បីឈ្មោះ លី តិចម៉េង ដែលពួកជ្រុលនិយមបំពុលសង្គមលួចយកវីដេអូ ដែលលុបចោលរាប់ខែមកហើយមកបង្ហោះសារជាថ្មីដើម្បីផ្សាភ្ជាប់ជាមួយនយោបាយរឿង CLV ក្នុងគោលដៅបង្កចលាចលនិង បំផ្លាញតារាចម្រៀងដែលគួរឲ្យស្រឡាញ់រូបនេះ»។ ពុកសូមកោតសរសើរ និងអរគុណកូនប្រុស ដែលបានចេញមកបកស្រាយទាំងយប់ដើម្បីរួមចំណែករក្សាសន្តិភាព ស្ថេរភាពនយោបាយ…

លោក នាយឧត្តមសេនីយ៍ ឈុំ សុជាត រដ្ឋលេខាធិការ និងជាអ្នកនាំពាក្យក្រសួងការពារជាតិ នារសៀលថ្ងៃទី១១ ខែសីហា ឆ្នាំ២០២៤នេះ ប្រកាសថ្កោលទោសយ៉ាងដាច់អហង្ការ និងប្រឆាំងដាច់ខាតចំពោះទង្វើទាំងឡាយ ដែលបង្កើតឡើងដោយ ក្រុមឧទ្ទាមក្រៅច្បាប់នៅក្រៅប្រទេស ដែលប៉ុនប៉ងផ្តួលរំលំ រាជរដ្ឋាភិបាលស្របច្បាប់ដឹកនាំដោយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ លោកអ្នកនាំពាក្យបានបញ្ជាក់បន្ថែមថា៖ “ការប៉ុនប៉ងរបស់ក្រុមឧទ្ទាមក្រៅច្បាប់ ក្នុងគោលបំណងផ្តួលរំលំរាជរដ្ឋាភិបាលស្របច្បាប់ ដែលប្រសូត្រចេញពីការបោះឆ្នោត គឺជាទង្វើបំពានច្បាប់ដ៏ធ្ងន់ធ្ងរបំផុត ប្រឆាំងនឹងរដ្ឋធម្មនុញ្ញនៃព្រះរាជាណាច្រកម្ពុជា ដែលមិនអាចអត់ឱនឱ្យបាន និងត្រូវតែទទួលរងនូវវិធានការបង្ក្រាបយ៉ាងម៉ឺងម៉ាត់ ដោយគ្មានការលើកលែង”។ បន្ថែមពីលើនេះ ក្រសួងការពារជាតិ…

(ខេត្តកំពង់ស្ពឺ) ៖ ម្ចាស់គោសម្រេចចិត្តដាក់ពាក្យបណ្តឹងលោកមេភូមិតាមុំ ឈ្មោះ ឆន ឈៀង អាយុ៦២ឆ្នាំ ដើម្បីឱ្យសមត្ថកិច្ចនគរបាលរដ្ឋបាលប៉ុស្តិឃុំមនោរម្យជួយអន្តរាគមន៍ និងធ្វើការដោះស្រាយ ខណៈដែលមេភូមិតាមុំ រូបនោះយកមេគោចំនួន៣ក្បាល ក្រោយពីម្ចាស់បានប្រវ៉ាស់ឱ្យចិញ្ចឹមបានកូនចែកគ្នាម្នាក់១ក្បាលក្នុង១ឆ្នាំ។ ប៉ុន្តែមេភូមិតាមុំ រូបនោះបែរជាយកមេគោទាំង៣ក្បាលនោះយកទៅលក់បាត់ មិនប្រាប់ម្ចាស់គោឡើយ។ ហើយម្ចាស់គោទាមទារសំណងជំងឺចិត្តចំនួន៧០០០ដុល្លារ ពីលោកមេភូមិតាមុំ ដើម្បីបញ្ចប់រឿង។ បើតាមការឱ្យដឹងពីលោក លី លាវ អាយុ៦២ឆ្នាំ រស់នៅក្នុងភូមិតាមុំ ឃុំមនោរម្យ ស្រុកថ្ពង ខេត្តកំពង់ស្ពឺ ប្រាប់អ្នកយកព័ត៌មានថា ដោយមានការរាប់អានគ្នា ហើយគិតថាលោកមេភូមិជាថ្នាក់ដឹកនាំ និងជាឪពុកម្ដាយ…

(ព្រះសីហនុ) ៖នៅថ្ងៃទី០៩ ខែសីហា ឆ្នាំ២០២៤ វេលាម៉ោង ១៧:១០នាទី លើដងផ្លូវដែក ក្បែរចំណុចចំណតរថភ្លើង ស្ថិតនៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ។ ករណីគ្រោះថ្នាក់ចរាចរណ៍ មួយកើតឡើង បង្កដោយ ខ្លួនឯង រថភ្លើង ០១ខ្សែរ ប្រភេទដឹកទំនិញ ពណ៌ទឹក ប៊ិចលាយក្រហមឆ្នូតលឿង បិតលេខសម្គាល់លេខ 6535 ដែលមានទិសដៅពីខេត្តព្រះសីហនុ ឆ្ពោះទៅ ខេត្តកំពត បើកបរដោយឈ្មោះ សាក់ វ៉ាន់ឌី…

(ភ្នំពេញ) ៖ យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា តំបន់វាលទំនាប អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ២០% ។ តំបន់ខ្ពង់រាប គ្របដណ្ដប់លើផ្ទៃដី ១៥% និង តំបន់មាត់សមុទ្រ គ្របដណ្ដប់លើផ្ទៃដី១០%។ ការប្រែប្រួលអាកាសធាតុដែលអាចមានភ្លៀងធ្លាក់នេះគឺអាស្រ័យដោយ ព្យុះទី៥ឈ្មោះ ម៉ារីយ៉ា (Maria) ស្ថិតនៅសមុទ្រចិនខាងកើត នៅមានឥទ្ធិពលជាកត្តា ធ្វើឱ្យខ្យល់មូសុងនិរតីដែលបក់លើសមុទ្រ Andaman និងឈូងសមុទ្រថៃ បានថយឥទ្ធិពល ខណៈសម្ពាធទាបគ្របដណ្តប់លើសមុទ្រចិនខាងត្បូង ភាគកណ្តាលនៃអាងទន្លេមេគង្គ និងលើព្រះរាជាណាចក្រកម្ពុជា…