កំពង់ចាម៖ មន្ត្រីជលផលកំពង់ចាម សហការគ្នាអាជ្ញាធរមូលដ្ឋានស្រុកកងមាស បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល នៅចំណុចព្រែកក្នុងឃុំព្រែកកុយ ស្រុកកងមាសខេត្តកំពង់ចាម។
ដេីម្បីចូលរួមទប់ស្កាត់បង្ក្រាបបទល្មេីសនេសាទ នារដូវត្រីពងកូន នៅព្រឹក ថ្ងៃទី០៤ ខែសីហា ឆ្នាំ២០២៤ លោកលី ស្រ៉ី នាយខណ្ឌស្តីទី ខណ្ឌជលផលកំពង់ចាម សហការជាមួយ អាជ្ញាធរស្រុកកងមាស បន្តចុះប្រតិបត្តិការត្រួតពិនិត្យ និងបង្រ្កាបបទល្មើសជលផល បានចំនួនបីករណី ដោយកសាងសំណុំរឿងតាមនិតិវិធីច្បាប់ស្តីពីជលផល និងរុះរើកាប់បំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុនៅចំណុចព្រែកក្នុងឃុំព្រែកកុយ ស្រុកកងមាសខេត្តកំពង់ចាម។
លោកនាយខណ្ឌស្តីទី ខណ្ឌជលផលកំពង់ចាមបានបញ្ជាក់ប្រាប់ថា ជាលទ្ធផល មន្ត្រីជំនាញជលផលកំពង់ចាម រុះរើកាប់បំផ្លាញចោលវត្ថុតាងនៃបទល្មើសជលផលរួមមាន៖ ឧបករណ៍ដាយស្បៃមុងទំហំ ចំនួន២២មាត់,របាំងស្បៃមុងប្រវែង១៧០០ម៉ែត្រ,បង្គោលចម្រឹងចំនួន៣២៥ដើមនិងចាក់លែងកូនត្រីចម្រុះទម្ងន់២០គីឡូក្រាម ៕
VID_20240805_045150_192.mp4 VID_20240805_045149_859.mp4