(ខេត្តត្បូងឃ្មុំ) ៖ប្រជាពលរដ្ឋប្រទះឃើញរថយន្តមួយគ្រឿងធ្លាក់ក្នុងទឹកមិនដឹងជាប៉ុន្មានថ្ងៃមកហើយ ហេតុការណ៍នេះបង្កឲ្យមានការភ្ញាក់ផ្អើលការពីរវេលាម៉ោង១២នឹង ៤៥នាទីរសៀល ត្រូវនឹងថ្ងៃទី ២៥ ខែកក្កដា ឆ្នាំ២០២៤ ស្ថិតនៅចំណុចស្ពានត្រពាំងប្រីយ៍ ខាងលិច ភូមិថ្លុកក្រាច ឃុំកក់ ស្រុកពញាក្រែក ខេត្តត្បូងឃ្មុំ ។
សមត្ថកិច្ចមូលដ្ឋាន បានបញ្ជាក់ថា រថយន្តតើធ្លាក់ក្នុងទឹកនោះមានជាប់មនុស្សម្នាក់នៅក្នុងរថយន្ត (ស្លាប់) សពជនរងគ្រោះមានឈ្មោះ កុយ សោភ័ណ្ឌ ភេទប្រុសអាយុ ៦៤ ឆ្នាំរស់នៅភូមិអភិវឌ្ឍន៍សង្កាត់ឡាបានសៀក ក្រុងបាលុង ខេត្តរតនៈគីរី បច្ចុប្បន្នសមត្ថកិច្ចកំពុងតែទំនាក់ទំនងទៅសាច់ញាតិដើម្បីមកទទួលយកសពទៅធ្វើបុណ្យតាមប្រពៃណី។
