(ខេត្តបាត់ដំបង) ៖រោងបណ្ដុះផ្សិតចំបើងមួយកន្លែងត្រូវបានអគ្គីភ័យឆាបឆេះបង្កការភ្ញាក់ផ្អើល កាលពីវេលាម៉ោង ១៦និង០០នាទី ថ្ងៃទី១៩ ខែមិថុនា ឆ្នាំ២០២៤ នៅចំណុចក្រុមទី០១ ស្ថិតក្នុងភូមិអូរដំបង ឃុំអូរដំបង២ ស្រុកសង្កែ ខេត្តបាត់ដំបង ។
សមត្ថកិច្ចនៅមូលដ្ឋានបានបញ្ជាក់ថា រោងបណ្តុះផ្សិតចំបើងដែលត្រូវអគ្គីភ័យឆាបឆេះខាងលើ មានទំហំ ០៥មែត្រ គុណ ០៨មែត្រ សង់អំពីឈើ ដំបូលប្រក់ស័ង្កសី មាន០៣ខ្នង ដែលមានម្ចាស់ឈ្មោះ ឌុក គុណ ភេទប្រុស អាយុ៥៨ឆ្នាំរស់នៅចំណុចកើតហេតុខាងលើ ឆេះអស់ទាំងស្រុងនិងផ្សិតមួយចំនួនផងដែរសរុបជាទឹកប្រាក់ប្រមាណចំនួន ១២ លានរៀល ។
សមត្ថកិច្ចបានបញ្ជាក់ថា នៅក្នុងហេតុការណ៍គ្រោះអគ្គីភ័យខាងលើនេះដែរ សមត្ថកិច្ចបានចេញរថយន្តពន្លត់អគ្គីភ័យចំនួន០៤គ្រឿង ដោយប្រើប្រាស់អស់ទឹកចំនួន០៤រថយន្តផងដែរ ៕