Mohaboros
នៅថ្ងៃទី១៩ ខែកញ្ញាឆ្នាំ២០២៤នេះ ទឹកទន្លេមេគង្គខេត្តកំពង់ចាមមានកម្ពស់១២,៩៦ម៉ែត្រ ធៀបថ្ងៃម្សិលមិញ ទឹកឡើង០,៣២ម៉ែត្រ ដោយឡែកកម្ពស់ទឹកនាពេលនេះធៀបទៅឆ្នាំ២០២៣ ទឹកទន្លេមានកម្ពស់ ១២.៩៨ម៉ែត្រ។ នេះបើយោងតាមរបាយការណ៍បញ្ជាក់ពីលោក អ៊ុម វិបុល ប្រធាន មន្ទីរធនធានទឹក និងឧតុនិយម ខេត្តកំពង់ចាម ។
ខេត្តកែប ÷ តំបន់ឆ្នេរអង្កោល ត្រូវជនឆ្លៀតឱកាសចាក់ដីលុបរំលោភបំពានយកសាងសង់សំណង់រឹងមាំ ច្រើន កន្លែង។ អាជ្ញាធរខេត្តកែបថា នឹងចាត់វិធាការចំពោះជនឆ្លៀតឱកាស ដែលបានចាក់ដីចូលទៅក្នុងឆ្នេរអង្កោលនោះក្នុងពេលឆាប់នេះហើយ។ នេះបើតាមលោក ប៊ុន យ៉ុង អភិបាលរងខេត្តកែប និងជាអ្នកនាំពាក្យសាលា ខេត្តកែប ប្រាប់ អ្នកយកព័ត៌មានតាមសារតេឡេក្រាមនៅព្រឹកថ្ងៃទី១៨ ខែកញ្ញាឆ្នាំ២០២៤នេះ។ អ្នកនាំពាក្យសាលាខេត្តកែបបញ្ជាក់ថា សម្រាប់ជនឆ្លៀតឱកាស ដែលបានចាក់ដីចូលទៅក្នុងឆ្នេរនោះ រដ្ឋបាលខេត្តកំពុងតែរៀបចំលិខិតបទដ្ឋាន និងមានវិធានការឆាប់ៗនេះហើយ។ លោក ប៊ុន យ៉ុង មានប្រសាសន៍បែបនេះ ក្រោយពីប្រជាពលរដ្ឋនិងមហាជនសង្កេតឃើញមានសកម្មចាក់ដីលុបឆ្នេរនៅឆ្នេរអង្កោល ស្ថិតនៅក្នុងភូមិអង្កោល ឃុំអង្កោល…
ដំណាំកៅស៊ូ ចាប់ផ្ដើមមានវត្តមាននៅកម្ពុជា ចាប់តាំងពីឆ្នាំ១៩១០ ដោយជនជាតិបារាំងម្នាក់ឈ្មោះលោក Boulliard បាននាំដំណាំកៅស៊ូនេះ មកដាំដុះសាកល្បងក្នុងភូមិសាស្ត្រស្រុកព្រៃនប់ ខេត្តកំពត (បច្ចុប្បន្ន ខេត្តព្រះសីហនុ)។ ដោយសារសណ្ឋានដីពុំអំណោយផល ជំនាញការបារាំងបានស្វែងរកដីដែលមានក្សេតបរិស្ថានសមស្របសម្រាប់ដំណាំកៅស៊ូ ហើយចាប់ផ្ដើមដាំដុះជាលក្ខណៈទ្រង់ទ្រាយធំ នៅក្នុងខេត្តចំនួន ៥ ដែលមានដីក្រហមបាសាល់ ។ ក្រោយមក ចម្ការកៅស៊ូមានលក្ខណៈឧស្សាហកម្មទ្រង់ទ្រាយធំបានបង្កើតឡើងដោយក្រុមហ៊ុនវិនិយោគរបស់បារាំងធំៗចំនួន៥ នៅលើខេត្តដែលមានដីក្រហមបាសាល់ រួមមាន ខេត្តកំពង់ចាម ខេត្តក្រចេះ និងខេត្តរតនគិរី ។ ជាង ១០០ឆ្នាំកន្លងមកនេះ ដំណាំកៅស៊ូ និងឧស្សាហកម្មកៅស៊ូ បាននៅជាប់ជាមួយប្រទេសកម្ពុជាជានិច្ច…
(ភ្នំពេញ)៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នៃក្រសួងមហាផ្ទៃ បានអំពាវនាវប្រជាពលរដ្ឋឱ្យមានការប្រុងប្រយ័ត្នចំពោះល្បិចឆបោកប្រាក់ តាមរយៈការបញ្ជាទូរស័ព្ទពីចម្ងាយ (Wireless Paring) ដែលជាល្បិចឆបោកថ្មីមួយ។ យោងតាមការជូនព័ត៌មានបានឱ្យដឹងថា នៅថ្មីៗនេះនាយកដ្ឋានការពារសុវត្ថិភាពបច្ចេកវិទ្យាឌីជីថលនៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានទទួលពាក្យបណ្តឹង និងសេចក្តីរាយការណ៍ជាច្រើនករណីពាក់ព័ន្ធល្បិចឆបោកថ្មី ដោយប្រើប្រាស់វិធីសាស្ត្រវិស្វកម្មបណ្តាញសង្គម (Social Engineering) លើបច្ចេកទេសបញ្ជាទូរស័ព្ទពីចម្ងាយ (Wireless Pairing) ហើយលួចផ្ទេរប្រាក់ពីគណនីធនាគារចល័ត (Mobile Banking) របស់ជនរងគ្រោះ។ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានបង្ហាញនូវវិធីសាស្ត្រជ្រៀតចូល និងឆបោកដូចខាងក្រោម៖ ១៖ ឧក្រិដ្ឋជនប្រមែប្រមូលព័ត៌មាន…
ខេត្តសៀមរាប÷ពេលវេលាដែលអ្នកទេសចរតែងតែទន្ទឹងរង់ចាំ បានមកដល់ទៀតហើយ នោះគឺព្រះអាទិត្យនឹងរះឡើងចំកំពូលប្រាសាទកណ្តាលនៃប្រាសាទ អង្គរវត្ត ឬសមរាត្រី ដែលនឹងកើតឡើងនៅថ្ងៃទី២២ ខែកញ្ញា ឆ្នាំ២០២៤ខាងមុខនេះ។ ព្រឹត្តិការណ៍មហស្ចារ្យគឺព្រះអាទិត្យនឹងរះឡើងចំកំពូលប្រាសាទកណ្តាលនៃប្រាសាទអង្គរវត្ត តែងបានទាក់ ទាញ ចំណាប់អារម្មណ៍ពីសំណាក់ភ្ញៀវទេសចរជាតិនិងអន្តរជាតិយ៉ាងច្រើន ដែលចង់ឃើញហេតុការណ៍នេះ ហើយចង់ផ្តិតយករូបភាពនេះទុកជាអនុស្សាវរីយ៍។ លោក អ៊ឹម សុខរិទ្ធី បុរាណវិទូ និងជាប្រធាននាយកដ្ឋានស្រាវជ្រាវបណ្តុះបណ្តាល និងផ្សព្វផ្សាយនៃអាជ្ញាធរជាតិអប្សរា ឱ្យដឹងថា ព្រឹត្តិការណ៍ថ្ងៃរះចំកំពូលកណ្ដាលនៃប្រាសាទអង្គរវត្ត ឬសមរាត្រីខែកញ្ញា ឆ្នាំ២០២៤នេះ នឹងកើតឡើងក្នុងថ្ងៃទី២២ខែកញ្ញាខាងមុខនេះ។ លោកថាព្រឹត្តិការណ៍ពិសេសថ្ងៃរះចំកំពូលកណ្ដាលនៃប្រាសាទ អង្គរវត្ត សម្រាប់ឆ្នាំ២០២៤នេះ នឹងកើតមាន២ដង ក្នុង១ឆ្នាំ…
(ភ្នំពេញ)៖ លោកស្រី សុវណ្ណ វណ្ណារតន៍ រដ្ឋលេខាធិការប្រចាំការ តំណាងលោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវនិស្សិតជ័យលាភីអាហារូបករណ៍សិក្សានៅជប៉ុន ដើរតួជាទូតសុឆន្ទៈក្នុងការផ្សព្វផ្សាយពីសក្តានុពលប្រទេសជាតិ ដើម្បីទាក់ទាញការវិនិយោគ ភ្ញៀវទេសចរ និងបង្កើតឱកាសការងារនៅក្នុងស្រុកបន្ថែមទៀត។ ការលើកឡើងនេះនៅក្នុងជំនួបនិស្សិតជ័យលាភីអាហារូបករណ៍ចំនួន ១២នាក់ ដែលនឹងចេញដំណើរទៅសិក្សានៅប្រទេសជប៉ុន ក្រោមជំនួយទីភ្នាក់ងារសហប្រតិបត្តិការអន្តរជាតិជប៉ុន (JICA) ដើម្បីទទួលនូវបទពិសោធន៍ ព័ត៌មាន និងអនុសាសន៍ល្អៗពីថ្នាក់ដឹកនាំក្រសួងការងារ នៅទីស្តីការក្រសួងកាលពីរសៀលថ្ងៃទី១៨ ខែកញ្ញា ឆ្នាំ២០២៤។ លោកស្រី សុវណ្ណ វណ្ណារតន៍ បានមានប្រសាសន៍ថា…
យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា តំបន់វាលទំនាប អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ៥៥% ។ តំបន់ខ្ពង់រាប គ្របដណ្ដប់លើផ្ទៃដី៦០% និង តំបន់មាត់សមុទ្រ គ្របដណ្ដប់លើផ្ទៃដី៦០%។ ការប្រែប្រួលអាកាសធាតុដែលអាចមានភ្លៀងធ្លាក់នេះគឺអាស្រ័យដោយ ព្យុះទី១៤ឈ្មោះ ពូលឡាសាន (Pulasan) ជាមួយនឹងវិសម្ពាធទាប នឹងវិវត្តន៍ទៅជាព្យុះទី១៥ បាន កើតនៅសមុទ្រចិនខាងត្បូងមានឥទ្ធិពលខ្លាំងលើខ្យល់មូសុងនិរតី ដែលបក់លើសមុទ្រអានដាមម៉ែន ឈូងសមុទ្រថៃ ខណៈសម្ពាធទាប នៅបន្តគ្របដណ្តប់លើភាគកណ្តាលនៃអាងទន្លេមេគង្គ និងលើព្រះរាជាណាចក្រកម្ពុជា។ ស្ថានភាពបែបនេះចាប់ពីថ្ងៃទី១៩ ដល់ថ្ងៃទី២១ ខែកញ្ញា…
នៅថ្ងៃទី១៨ ខែកញ្ញា ឆ្នាំ២០២៤ វេលាម៉ោង១០:០០នាទី កម្លាំងជំនាញផ្នែកនគរបាលយុត្តធម៌ នៃអធិការដ្ឋាននគរបាលខណ្ឌពោធិ៍សែនជ័យ បានឃាត់ខ្លួនជនសង្ស័យម្នាក់ តាមដីកាបញ្ជាឲ្យចូលខ្លួន របស់ព្រះរាជអាជ្ញា អមសាលាដំបូងរាជធានីភ្នំពេញ ពាក់ព័ន្ធករណីប្រទូស្តកេរខ្មាស នៅចំណុចផ្ទះលេខ៨៧៨ ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ ប្រព្រឹត្តកាលពីថ្ងៃទី១៣ ខែកក្កដា ឆ្នាំ២០២៤។ ជនសង្ស័យឈ្មោះ ឡា ស៊ីនុ ភេទប្រុស មុខរបរនៅផ្ទះ មានទីលំនៅ ភូមិព្រៃសំរោង ឃុំបែកចាន ស្រុក អង្គស្នួល ខេត្តកណ្តាល។ បច្ចុប្បន្នជនសង្ស័យខាងលើ…
(ភ្ នំពេញ) ៖ នាល្ងាចថ្ងៃពុធ ថ្ងៃទី១៨ ខែកញ្ញា ឆ្នាំ២០២៤ នៅទីស្តីការក្រសួងសុខាភិបាល រដ្ឋមន្ត្រីក្រសួងសុខាភិបាល បានទទួលជួបសំណេះសំណាលជាមួយនិស្សិតជ័យលាភីអាហារូបករណ៍អង្គការ JICA របស់រាជរដ្ឋាភិបាលជប៉ុន ចំនួន០៩រូប ដែលត្រូវទៅសិក្សាថ្នាក់ក្រោយឧត្តមសិក្សានៅប្រទេសជប៉ុន កម្រិតបរិញ្ញាបត្រជាន់ខ្ពស់ចំនួន០៥នាក់ និងបណ្ឌិតចំនួន០៤នាក់។ លោកសាស្ត្រាចារ្យ ឈាង រ៉ា ថ្លែងការ កោតសរសើរដល់និស្សិតជ័យលាភីទាំង ៩រូប ដែលទទួលបានអាហារូបករណ៍រាជរដ្ឋាភិបាលជប៉ុន តាមរយៈអង្គការ JICA ទៅសិក្សានៅប្រទេសជប៉ុន និងសង្ឃឹមថានិស្សិតជ័យលាភីទាំងអស់នឹងបញ្ចប់ការសិក្សាដោយជោគជ័យ ត្រឡប់មកជួយអភិវឌ្ឍន៍ប្រទេស និងក្លាយជាសសរទ្រូងដ៍រឹងមាំរបស់ប្រទេសជាតិ។ នាឱកាសនោះលោករដ្ឋមន្ត្រី…
បទល្មើសនេសាទនៅរដូវហាមឃាត់ក្នុងដែនសមត្ថកិច្ចមន្ត្រីរដ្ឋបាលជលផលខេត្តពោធិ៍សាត់នៃតំបន់ទន្លេសាបកំពុងកើតមានយ៉ាងគគ្រឹកគគ្រេងតាមរយៈរបាំងសាច់អួនក្រឡាញឹករាប់ពាន់ម៉ែត្រ។ បទល្មើសទាំងនេះស្ថិតក្នុងដែនសមត្ថកិច្ចលោកយូរ សុវិចិត្រ នាយរងសង្កាត់រដ្ឋបាលជលផលក្រគរនិងលោកភុន សុវណ្ណា នាយផ្នែករដ្ឋបាលជលផលក្រគរនៃមន្ទីរកសិកម្មរុក្ខាប្រមាញ់និងនេសាទខេត្តពោធិ៍សាត់។ មន្ត្រីដឹកនាំមន្ទីរកសិកម្មខេត្តក៏ដូចជារដ្ឋបាលខេត្តពោធិ៍សាត់ ធ្វើមិនដឹង មិនឮអំពីបញ្ហាបទល្មើសនេសាទនៅតំបន់បឹងទន្លេសាបនេះ។ ប្រភពព័ត៌មាន ដែលភ្ជាប់ដោយរូបភាពថតកាលពីព្រលប់ថ្ងៃទី១៦ខែកញ្ញាឆ្នាំ២០២៤បានឱ្យដឹងថា បទ ល្មើសនេសាទនេះដោយប្រើរបាំងសាច់អួនក្រឡាញ់ញឹករាប់ពាន់ម៉ែត្រ ស្ថិតនៅចំណុចក្រឡុកសងក្រង ក្នុងភូមិអន្លង់រាំង ឃុំកំពង់ពោធិ៍ ស្រុកក្រគរ ជាប់ព្រំប្រទល់ស្រុកកណ្ដៀង។ បទល្មើសប្រើអួនក្រឡាញឹករាប់ពាន់ម៉ែត្រនេះពិតជាមិនអាចគេចផុតពីភ្នែកមហាជនបានឡើយ។ ពីព្រោះឧបករណ៍ល្មើសច្បាប់នេះបានបណ្ដែតនៅលើផ្ទៃទឹកយ៉ាងសង្ហា ក្នុងពេលដែលនៅទីកន្លែងផ្សេងទៀតសម្រាប់ប្រជាពលរដ្ឋអ្នកនេសាទចិញ្ចឹមក្រពះ ត្រូវបានពួកមន្ត្រីជលផលតួយ៉ាងដូចជាលោកភុន សុវណ្ណា និងលោកយូរ សុវិចិត្រចាប់បង្ក្រាបថតផ្សាយយ៉ាងគគ្រឹក គគ្រេង។ ប្រជាពលរដ្ឋនៅតំបន់នោះមានចម្ងល់ថា ចំណុចដែលកើតមានបទល្មើសខាងលើនេះ គឺជាច្រកចេញ,ចូលនៃបណ្ដាជនដែលមានអំណាចខាងជលផល ក៏ដូចជាអាជ្ញាធរដែនដីនៅខេត្តពោធិ៍សាត់។…