ភ្នំពេញ÷នារីសិស្សសាលាម្នាក់ ត្រូវបានរថយន្តមិនស្គាល់ម៉ាកកិនចំក្បាលបណ្តាលឲ្យស្លាប់ភ្លាមៗនៅនឹងកន្លែងកេីតហេតុតែម្តង។ ក្រោយកេីតហេតុ អ្នកបេីកបរថយន្តបង្កបានបេីករត់គេចខ្លួនចេញពីទីតាំងកេីតហេតុ ដោយបន្សល់ទុកតែម៉ូតូ និងសពនារីរងគ្រោះនៅនឹងកន្លែង។ ហេតុការណ៍នេះបានកេីតឡេីងនៅវេលាម៉ោង ២និង០០នាទីរសៀល ថ្ងៃទី០៧ ខែកញ្ញា ឆ្នាំ២០២៤ ដែលស្ថិតនៅតាមបណ្តោយផ្លូវឌួងងៀប សង្កាត់អូរបែកក្អម ខណ្ឌសែនសុខ រាជធានីភ្នំពេញ។
ក្រោយពេលកេីតហេតុ កម្លាំងសមត្ថកិច្ចជំនាញមូលដ្ឋានបានចុះមកដល់ទីតាំង និងបានទាក់ទងទៅកាន់សមត្ថកិច្ចជំនាញការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងយកម៉ូតូរងគ្រោះទៅរក្សាទុក ដេីម្បីរង់ចាំការស្រាវជ្រាវស្វែងរករថយន្តបង្កយកមកដាក់ទោសតាមផ្លូវច្បាប់៕
