ខេត្តបន្ទាយមានជ័យ÷ថ្ងៃទី០៣ ខែ កញ្ញា ឆ្នាំ២០២៤ ពលរដ្ឋខ្មែរស៊ីឈ្នួលអូសរទេះដឹកអីវ៉ាន់ភ្ញៀវទេសចរណ៍ ប្រចាំនៅច្រកទ្វារព្រំដែនអន្តរជាតិប៉ោយប៉ែត–ខ្លងឡឹក ត្រូវបានបុរសជាជនជាតិថៃម្នាក់ប្រាប់ជួយឲ្យដឹកវ៉ាលិសរបស់ខ្លួនពីច្រកព្រំដែនថៃចូលមកប្រទេសកម្ពុជាតាមច្រកអន្តរជាតិប៉ោយប៉ែត ដោយសារវ៉ាលិសនេះធ្ងន់ប្លែកពីធម្មតា បុរសខ្មែរអ្នកដឹកជញ្ជូនក៏បានទៅប្រាប់តម្រួតថៃឲ្យជួយមកពិនិត្យក្នុងវ៉ាលិសនោះ ស្រាប់តែរកឃើញថ្នាំញៀន ប្រភេទមេតំហ្វេតាមីន៤០ម៉ឺនគ្រាប់ នៅវេលាម៉ោង៦ៈ៣០នាទីព្រឹក ថ្ងៃទី៣ ខែកញ្ញា ឆ្នាំ ២០២៤ នៅច្រកទ្វារព្រំដែនអន្តរជាតិខ្លងឡឹកខេត្តស្រះកែវប្រទេស ថៃ ឈមនិងច្រកទ្វារអន្តរជាតិប៉ោយប៉ែតខាងកម្ពុជា។
តាមការអះអាងពីពលរដ្ឋខ្មែរដែលស៊ីឈ្នួលអូសរទេះដឹកអីវ៉ាន់ភ្ញៀវទេសចរណ៍ ប្រចាំនៅច្រកទ្វារព្រំដែនអន្តរជាតិប៉ោយប៉ែត–ខ្លងឡឹក បានប្រាប់តម្រួតថៃឲ្យដឹងថា មុនពេលកើតហេតុនោះ មានបុរសជនជាតិថៃម្នាក់បានបើកឡានមកចតនៅចំណតក្បែរច្រកអន្តរជាតិខ្លងឡឹកខាងភាគីថៃ ហើយបានទំលាក់វ៉ាលិសចំនួន ៣ ចុះហើយជន ជាតិថៃនោះប្រាប់កម្មករអូសរទេះឲ្យជួយជញ្ជូនអីវ៉ាន់
វ៉ាលិសរបស់ខ្លួនឆ្លងតាមច្រកទ្វារអន្តរជាតិប៉ោយប៉ែត បំណងចូលមកក្រុងប៉ោយប៉ែត ប្រទេសកម្ពុជា ហើយជនជាតិថៃនោះបានដើរទៅចាំនៅកន្លែងណាត់ជួប។
ក្រោយពេលដែលនិយាយត្រូវគ្នាហើយ កម្មករអូររទះបានលើកវ៉ាលិសដាក់លើរទះស្រាប់តែវ៉ាលិសទាំង៣ នោះធ្ងន់ពេកខុសពីវ៉ាលិសដទៃលើកដាក់រទេះមិនរួច ក៏សង្ស័យ ក៏ហៅគ្នាមកជួយលើក ហើយឆ្ងល់ហេតុអ្វីក៏
វ៉ាលិសដាក់ខោអាវធ្ងន់ខុសពីធម្មតា ក៏បើកមើលឃើញ
កញ្ចប់សង្ស័យថា គ្រឿងញៀន ទើបរាយការណ៍ប្រាប់តម្រួតថៃ។ ចំណែកតម្រួតថៃក្រោយពេលដែលហែកមើលកញ្ចប់ បានរកឃើញគ្រឿងញៀនប្រភេទ មេតំហ្វេតាមីនចំនួន៣វ៉ាលិដថ្មើរហ្នឹង ៤០០.០០០គ្រាប់។
ចំណែកជនជាតិថៃជាម្ចាស់របស់ដែលជួលឲ្យកម្មករខ្មែរអូសរទេះដឹកនោះ បន្ទប់ពីដើរឆ្លងចូលមកខាងទឹកដីកម្ពុជាមុនគេចខ្លួនបាត់ស្រមោលតែម្តង។
សមត្ថកិច្ចថៃបានឲ្យដឹងថា មេតំហ្វេតាមីនដែលឃាត់នៅច្រកទ្វារព្រំដែនអន្តរជាតិខ្លងឡឹក បម្រុងនាំចូលកម្ពុជានោះមានទំងន់២០០គីឡូក្រាម មានគ្រឿងញៀនប្រភេទមេតំហ្វេតាមីនចំនួន៤០ម៉ឺនគ្រាប់។ ពេលនេះទម្រួតថៃកំពុងតែសួរនាំកម្មករអូសរទេះម្នាក់នោះ និងឆែកមើលតាមកាមេរ៉ាសុវត្ថិភាពស្រាវជ្រាវកំណត់អត្តសញ្ញាណជនសង្ស័យតាមចាប់ខ្លួនមកអនុវត្តច្បាប់នៅប្រទេសថៃ៕
