ខេត្តមណ្ឌលគិរី ៖ យ៉ាងហោចណាស់ស្ត្រីម្នាក់បានស្លាប់ និង២នាក់ទៀតរងរបួសនៅក្នុងហេតុការណ៍ក្រឡាប់រថយន្តមួយកាលពីព្រឹកថ្ងៃទី ១១ កក្កដា នេះ នៅលើកំណាត់ផ្លូវជាតិលេខ៧៦A ក្នុងភូមិអណ្តូងក្រឡឹង ឃុំសែនមនោរម្យ ស្រុកអូរាំង ខេត្តមណ្ឌលគីរី ។
នគរបាលមូលដ្ឋានបានឲ្យដឹងថា រថយន្តដែលក្រឡាប់ម៉ាក TACOMA ពណ៌ប្រផេះ ពាក់ផ្លាកលេខ ភ្នំពេញ 2AT-847 9 ។ ប្រភពថា មិនដឹងមូលហេតុអ្វីរថយន្តនោះបានរេចង្កូតទៅបុកបង្កោលភ្លើង ហើយតូបលក់ដូរនៅក្បែរចិញ្ចើមផ្លូវ បណ្តាលឲ្យក្រឡាប់បាត់បង់ជីវិតស្ត្រីម្នាក់ និងរងរបួស ធ្ងន់ ២នាក់ ។ គេបញ្ជាក់ថា ជនរងគ្រោះទាំងនោះមានស្រុក កំណើត នៅភូមិស្រឯម ឃុំចំបក់ ស្រុកបាទី ខេត្តតាកែវ ។
សាកសពត្រូវបានបញ្ជូនយកទៅធ្វើបុណ្យតាមប្រពៃណីហើយចំណែករថយន្តត្រូវបានរក្សា ទុកនៅអធិការដ្ឋាននគរបាលស្រុកអូររាំង ៕
