នគរបាលស្រុកបសេដ្ឋឃាត់ខ្លួនស្ត្រីទម្លាក់ យោងម្នាក់ដែលធ្វើសកម្មភាពនៅផ្សារស្លាបលែង

(ខេត្តកំពង់ស្ពឺ) ៖ នៅចំណុចផ្សាស្លាបលែង ស្រុកបសេដ្ឋ ខេត្តកំពង់ស្ពឺ មានក្រុមជនសង្ស័យ៣នាក់ (ប្រុស០១) មិនស្គាល់អត្តសញ្ញាណ ជិះម៉ូតូ០១គ្រឿងម៉ាកហុងដាឌ្រីមC125 មិនស្គាល់សេរីឆ្នាំ ធ្វើសកម្មភាពទម្លាក់ដុំថង់មាស(ក្លែងក្លាយ) មុខជនរងគ្រោះដែលកំពុងតែធ្វើដំណេីរក្នុងផ្សាដោយធ្វេីជាហេតុចៃដន្យមិនឲ្យមានការភ្ញាក់ផ្អេីលដល់អ្នកដទៃឬម្ចាស់ទ្រព្យ ចំពោះមុខជនរងគ្រោះរួចបានហៅជនរងគ្រោះខ្សឹបថា កុំមាត់ប្រាប់គេចាំចែកគ្នា។ ហេតុការណ៍ទម្លាក់យោងនេះបានកើតឡើងកាលពីព្រឹកថ្ងៃទី២២ ខែមិថុនា ឆ្នំា២០២៤នេះ ។

ជនសង្ស័យមានឈ្មោះ សៅ សារឿន ហៅចន្ដា ភេទស្រី អាយុ៤០ឆ្នាំ រស់នៅភូមិដើមផ្ដៀក ឃុំព្រៃស្លឹក ស្រុកទ្រាំង ខេត្តតាកែវ បច្ចុប្បន្នស្នាក់នៅរាជធានីភ្នំពេញ បានទទួលស្គាល់ថា ខ្លួននិងបក្ខពួកចំនួន០២ទៀត ពិតជាបានធ្វេីសកម្មភាពដូចអ្វីដែលជនរងគ្រោះរៀបរាប់នោះមែន។ ជាចៃដន្យស្រាប់តែកំពុងនិយាយហៅជនរងគ្រោះដេីរចេញក្រៅផ្សាទៅរកកន្លែងស្ងាត់ ដេីម្បីបេីកថង់មាសនិងចែកគ្នាស្រាប់តែមានសមត្ថកិច្ចនគរបាលមកសាក សួរនិងទទួលបានសេចក្ដីរាយការណ៍ពីជនរងគ្រោះទេីបបែកការរួចសមត្ថកិច្ចឃាត់មកសួរនាំតែម្ដង។

តាមចម្លើយរបស់ជនសង្ស័យឈ្មោះសៅ សារឿន ហៅចន្ដា បានឆ្លើយសារភាពថា ខ្លួន និងបក្ខពួក ពិតជាបានធ្វើសកម្មភាពប្រើល្បិចទម្លាក់ថង់និងមានបំណងឆបោកយកទ្រព្យមានតម្លៃពីជនរងគ្រោះឈ្មោះ ឡាយ គីមសុខ ពិតប្រាកដមែន។

បច្ចុប្បន្នសមត្ថកិច្ចនគរបាលស្រុកបសេដ្ឋកំពុងដំណើរ ការនីតិវិធីកសាងសំណុំរឿងបញ្ជូនទៅ ស្នងការដ្ឋាននគរបាលខេត្ត បន្ដទៅអយ្យការអមសាលាដំបូងខេត្ដកំពង់ស្ពឺចាត់ការនីតិវិធី ៕