(ខេត្តកំពង់ស្ពឺ ) ៖ យ៉ាងហោចណាស់មានមនុស្សចំនួន០៣នាក់បានស្លាប់ភ្លាមៗនៅក្នុងកាប៊ីនរថយន្ត ខណៈដែលរថយន្តចំនួនពីរគ្រឿងបុកគ្នាចំពីមុខយ៉ាងពេញទំហឹង ខណៈដែលបើកបរបញ្ច្រាសទិសគ្នា ។
ហេតុការណ៍រថយន្តបុកគ្នាបណ្តាលឱ្យស្លាប់មនុស្ស០៣នាក់បានកើតឡើងកាលពីវេលាម៉ោង០៦ព្រឹកថ្ងៃទី០៧ ខែកុម្ភៈ ឆ្នាំ២០២៥ នៅលើកំណាត់ផ្លូវជាតិលេខ៤ ចន្លោះបង្គោលគីឡូម៉ែត្រ១០៣-១០៤ ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច។
មន្ត្រីនគរបាលស្រុកភ្នំស្រួចបាននិយាយឱ្យដឹងថា មានករណីគ្រោះថ្នាក់ចរាចរណ៍មួយបានកើតឡើងរវាងរថយន្ដបុកជាមួយរថយន្ដ ពេលដែលបើកបរបញ្ច្រាសទិសគ្នា បណ្ដាលឲ្យស្លាប់មនុស្សចំនួន០៣នាក់នៅក្នុងកាប៊ីនភ្លាមៗតែម្តង។ បង្កឱ្យមានការភ្ញាក់ផ្អើលដល់អ្នកធ្វើដំណើរប្រជាពករដ្ឋនិថសមត្ថកិច្ចជួយអន្តរាគមន៍។
មន្ត្រីដដែលបានបន្តថា សពជនរងគ្រោះមិនទាន់ស្គាល់អត្តសញ្ញាណនោះទេ។
ចំពោះករណីខាងលើមានការកកស្ទះ ចរាចរណ៍បានម្ខាង សមត្ថកិច្ចកំពុងចាត់ចែងបន្តទៀត៕ 
