(កំពង់ឆ្នាំង) ៖ ក្មេងស្រីវ័យ១២ឆ្នាំម្នាក់ត្រូវម្តាយចុងប្រើហិង្សាបណ្តាលឲ្យមានស្លាក ស្នាមជាំប៉ោងហើមពេញខ្លួនប្រាណស្ទើរ តែគ្រប់កន្លែង នៃរាងកាយ និងកន្លែងខ្លះ ទៀត មានសភាពហើម ថែមទៀតផង មើលទៅ ពិតជាគួរអោយអាសូរ ជាពន់ ពេក ដែលនេះជាទង្វើរ ទារុណកម្ម របស់ម្តាយចុង មកលើកូនស្រី ប្តីមុន គួរអោយសង្វេគ ។
ករណីហិង្សា គ្មានត្រាប្រណីនេះ ត្រូវបានប្រជាពលរដ្ឋ បង្ហាញអោយដឹងនៅព្រឹកថ្ងៃទី១១ ខែតុលា ឆ្នាំ២០២៤ ដោយក្មេងស្រីរងគ្រោះ ស្ថិតក្នុងសភាពភ័យខ្លាច ដេកនៅលើគ្រែ នៃមន្ទីរពេទ្យរដ្ឋមួយកន្លែង។ ក្មេងស្រីរងគ្រោះ រស់នៅភូមិសិរីឆោម ឃុំជ្រេស ស្រុកកំពង់ត្រឡាច ខេត្តកំពង់ឆ្នាំង។
បើតាមសមត្ថកិច្ចបានអោយដឹងថា ក្មេងស្រីរងគ្រោះ ឈ្មោះ អឿន កញ្ញា អាយុ១២ឆ្នាំ។ ចំណែកម្តាយចុងដែលជាជនបង្កមានឈ្មោះ នៅ ញ៉ក់ អាយុ ៣៩ឆ្នាំ។
សមត្ថកិច្ចបានបន្តថា ឪពុកក្មេងស្រីងរងគ្រោះឈ្មោះ អាង សំអឿន អាយុ៤០ឆ្នាំ មានប្រពន្ធក្រោយ និងបានយកមករួមរស់ជាមួយគ្នា ហើយបច្ចុប្បន្ន បានចេញទៅធ្វើការនៅឯប្រទេសថៃ ដោយទុកអោយកូនស្រី នៅជាមួយប្រពន្ធ ក្រោយ។
តាមសម្តីអ្នកជិតខាងបានអោយដឹងថា គេតែងតែឃើញស្រ្តីជាម្តាយចុង វាយធ្វើបាប ស្ទើរតែរាល់ថ្ងៃ រហូតដល់មានស្នាមជាំពេញខ្លួន ទើបក្មេងស្រីរងគ្រោះ បានចេញពីផ្ទះ លែងហ៊ានទៅផ្ទះវិញ ។
បច្ចុប្បន្ន ស្រ្តីជាម្តាយចុង ត្រូវបានសមត្ថកិច្ចនាំខ្លួន ដើម្បីសួរនាំ និងចាត់ការតាមនិតិវិធី៕ 
