រថយន្តបុកគ្នាក្លាយជាទំនាស់ រួចបាញ់ជាច្រើនគ្រាប់ បណ្តាលឲ្យរបួស២នាក់

ភ្នំពេញ៖ មនុស្ស២នាក់ បានរងរបួសក្នុងការបាញ់ ប្រហារមួយដោយកាំភ្លើងវែង បន្ទាប់ពីបើកឡានបុកគ្នាស្ថិតនៅក្នុងសង្កាត់រលស់ ខណ្ឌដង្កោ រាជធានីភ្នំពេញ នៅ យប់ថ្ងៃទី២៧ ខែសីហា ឆ្នាំ២០២៤នេះ។

ប្រភពព័ត៌មានបានបញ្ជាក់ថា រថយន្ត Mercedes ស្លាកលេខភ្នំពេញ 2BF-8168 បានរងការបាញ់ប្រហារជាច្រើនគ្រាប់ និងរថយន្តមួយគ្រឿងទៀតម៉ាក Ford ស្លាកលេខភ្នំពេញ 2BV-5779។ ករណីបាញ់ប្រហារគ្នានេះ ពុំទាន់ដឹងថា មកពីមូលហេតុអ្វីនោះទេ ។

ករណីបាញ់ប្រហារជាច្រេីនគ្រាប់ដ៏រន្ធត់ បណ្តាលឲ្យ មនុស្សរបួស២នាក់ នៅខណ្ឌដង្កោ ផ្តើមឡើងដោយគ្រោះថ្នាក់ចរាចរណ៍។ រថយន្ដទាំង២គ្រឿងដែលជួបគ្រោះថ្នាក់ចរាចរណ៍មាន រថយន្ត Mercedes ស្លាកលេខ ភ្នំពេញ 2BF-8168 រងការបាញ់ប្រហារជាច្រើនគ្រាប់ និងរថយន្ត១គ្រឿងទៀតម៉ាក Ford ស្លាកលេខ ភ្នំពេញ2BV-5779 ។

សមត្ថកិច្ចជំនាញកំពុងស្រាវជ្រាវ និងចាប់ជនបង្កយកមកផ្តន្ទាទោសតាមច្បាប់៕